Gaztea Sarietako gida: osteguneko hitzordurako jakin beharreko guztia

19:30ean irekiko dira Euskalduna Bilboko Urban Hall espazioko ateak. Gala hasi aurretik, gonbidatuak alfonbra gorritik igaroko dira. Alfonbra gorria eta gala streaming bidez ikusteko aukera izango da, Gaztearen webgunean eta YouTubeko kanalean.

Erredakzioa

2026/03/02 - 14:28

Azken eguneratzea

2026/03/02 - 14:28

Martxoaren 5ean, ostegunez, banatuko dira aurtengo Gaztea Sariak, Euskalduna Bilbaoko Urban Hall espazioan. 2025eko uztari erreparatu eta artista, kanta, disko, bideoklip, zuzeneko eta ikuskizun onenak sarituko dira, Gazteako epaimahaiak eta publikoak aukeratutako artista eta talde irabazleak oholtza gainera gonbidatuta.

Sarrerak hiru orduan agortu zituzten zaleek iazko arrakasta handienetako batzuk zuzenean ikusi eta entzuteko aukera izango dute. Merina Gris, Gorka Urbizu, HOFE, Jimena Amarillo, Janus Lester, Nøgen, IZARO, Olaia Inziarte eta Euskoprincessek inoizko galarik musikalena eskainiko digute, Gaztea Sarietarako propio prestatutako ikuskizunekin.

Sari banaketa

Ainhoa Vitoria eta Antton Telleriak aurkeztuko dute gala, eta hainbat aurpegi ezagun ikusiko ditugu sari banatzaile lanetan. 20:30ean hasiko da ekitaldia, eta streaming bidez izango da ikusgai, Gaztearen webgunean, YouTubeko kanalean eta GUAU plataforman. Ekitaldia pasata, gala Primeranen izango da ikusgai.

Artista edo talde berri onena, bideoklip onena, kanta onena, disko onena, artista onena, zuzeneko onena eta ikuskizun onena sarituko dira. Aurten, zuzeneko eta ikuskizun onenen irabazleak Gazteako publikoak aukeratu ditu, bozketa bidez. Bestelako sariak, ostera, Gaztearen epaimahaiaren esku geldituko dira.

Garaikur banaketa eta diskurtso artean, zuzeneko musikaz gozatzeko aukera izango da Euskalduna Urban Hallen, aurretik aipatutako emanaldi sortari esker.

Alfonbra gorria

Ateak irekitzearekin batera piztuko ditugu alfonbra gorriko argiak. 19:30etik aurrera, Gaztea Sarietako gonbidatuak photocalletik igaroko dira, eta Jon Fernandez eta Berezi Fernandezen galderak erantzungo dituzte.

Hau ere zuzenean jarraitzeko aukera izango da, Gaztearen webgunean eta YouTubeko kanalean.

'GU' saio berezia

Ekitaldiari dagokion garrantzia emateko, arratsaldeko lehen ordutik izango gara Euskalduna Bilbaon. 17:00etan hasita, Ibon Fernandez eta Alain Perezek “GU” saio berezia egingo dute bertatik, zuzenean.

Galan joko duten artistak, Gaztea Sarietan parte hartuko duten sari emaile eta aurkezleak eta ohiko kolaboratzaileak bertatik igaroko dira, ekitaldiaren nondik norakoak zuzenean kontatzeko.

Sarrerak

Eskuragarri jarri eta hiru ordura agortu ziren Gaztea Sarietako gonbidapen guztiak. Hala ere, izango da ekitaldira etortzeko azken aukera bat: Gaztearen Instagrameko zozketan parte hartuta.

Sarrera eskuratu zutenek, Urban Halleko atariko leihatilan erakutsi beharko dute.

Nola iritsi

Garraiobide publikoa erabili nahi izanez gero, hona metroz, autobusez eta trenez iristeko argibideak:

Metroa

Bilbon bazaude, Indautxu, Moyua eta San Mames geltokiak dira Euskaldunara gerturatzeko aproposenak (hirurak daude 10-15 minutura).

Autobusa

Bilbora autobusez iritsiz gero (Bilbao Intermodal geltokira), hainbat aukera dituzu Euskaldunara gerturatzeko. Oinez joan nahi baduzu, 10 bat minutuan egingo duzu kilometro bateko bidea. Bestela, Bilbao Intermodal parean tranbia har dezakezu (San Mames geltokia) Boluetako noranzkoan, eta Euskalduna geltokian jaitsi.

Trena

Euskotrenen iritsiko bazara, jaitsi Alde Zaharreko geltokian, hartu metroa (1 edo 2 linea) eta jaitsi Moyua, Indautxu edo San Mamesen. Bestela, jaitsi Alde Zaharrean eta hurbildu Arriagako tranbia geltokira. Bertan, hartu La Casillako noranzkoko tranbia, Euskalduna geltokira iritsi arte.

Feve edo Renferen trenean bazatoz, metroko konexioa egin dezakezu Abando geltokian jaitsita. Bestela, egin konexioa Renferen aldirietako trenarekin (Abandon) eta San Mames geltokian jaitsi.

Zure interesekoa izan daiteke

Merina Gris eta Gorka Urbizu, Gaztea Sarien zuzeneko emanaldien zerrenda ixteko

“Tesla Bat Zutan” hitaren egileak martxoaren 5eko galan izango dira, Euskalduna Bilbaon. Haiekin batera, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester arituko dira zuzenean.

Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Janus Lester eta Nøgenek ere joko dute Gaztea Sarien galan

IZARO eta Olaia Inziarteren zuzenekoa iragarrita, Jokin Pintatxoren banda eta Nøgen donostiarrak batu dira kartelera.

IZARO eta Olaia Inziartek Gaztea Sarien galan joko dute

Martxoaren 5ean izango da sari banaketa, Euskalduna Bilbaoko Urban Hallen. Galan joko dute bi artistek, eta ama izan aurreko azken emanaldia izango da IZAROrentzat.

Badatoz Gaztea Sariak: martxoaren 5ean izango dira, Euskalduna Bilbaon

Gure musikak 2025an emandakoa omendu eta saritzeaz gain, zuzeneko emanaldiz jositako sekulako festa prestatu dugu aurtengo ediziorako. Sarrerak otsailaren 25ean izango dira eskuragarri, 12:00etan.

Zure interesekoa izan daiteke

“Bi Begi Bi Lore”, “Panpin bat bezala”, “Salda badago”, “Xorieri” eta “Zilarra” dira abesti onenaren Gaztea Sarirako izendatuak

Janus Lester, Nøgen, HOFE, Jimena Amarillo, Mirua, IZARO eta Gorka Urbizu bertan izango dira, saria jasotzeko prest.

Süne, ZETAK, Dupla, Olatz Salvador eta Janus Lester dira artista onenaren Gaztea Saria eramateko hautagaiak

Martxoaren 5ean jakingo dugu irabazlearen izena, Euskalduna Bilbaoko Urban Halleko festa handian.

ETSren ‘KONKISTA’, EZEZEZen ‘Kabakriba’, Merina Grisen ‘ZULOA’, Olaia Inziarteren ‘Zerrautsa’ eta Miruaren ‘MIRUENEA’, Gaztea Sarietan izendatu, disko onenaren kategorian

2025ean kaleratutako lanen artean, bost hauek aukeratu ditu Gazteak. Epaimahaiak aukeratuko du zeinek eramango duen garaikurra, baina gogoratu zuzeneko eta ikuskizun onenaren irabazlea zuk aukeratuko duzula, bozketa bidez.

GAR, Naxker, Maskak, Burutik eta Aimarz dira artista berri onenaren Gaztea Saria irabazteko hautagaiak

Kutxabank Kornerrek babestutako garaikurrak 2025ean ezagutu dugun artista edo talde berria onena sarituko du.

Amaia Miranda, Euskoprincess, HOFE, Mirua eta XSakararen bideoak, bideoklip onenaren kategorian lehiatzeko hautagaiak

“Amak Dio/Entre Mi Sangre y El Llanto”, “Euskañol”, “Morroxko” , “R.A.” eta “YEPA!” abestien bideoklipak dira Gaztea Sarietako bideoklip onenaren kategoriako izendatuak.

Merina Gris eta Gorka Urbizu, Gaztea Sarien zuzeneko emanaldien zerrenda ixteko

HOFE eta Jimena Amarillo, elkarrekin estreinakoz, Gaztea Sarien galan

“Panpin bat bezala” hi-a zuzenean entzun nahi? Martxoaren 5ean izango duzu aukera, Gaztea Sarien galan.

Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Publizitatea