Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Erredakzioa

2026/02/23 - 09:00

Azken eguneratzea

2026/02/23 - 09:00

Gaztea Sarien galan joko duten artistei Euskoprincess batu zaie. Hernaniko musikariak zuzenean joko du martxoaren 5eko sari banaketan, IZARO, Olaia Inziarte, Janus Lester, Nøgen eta beste hainbat artistarekin batera.

2025eko ekainean kaleratu zuen Euskoprincessek TOTOSAKI, Gaztean etengabe entzun dugun diskoa. Erritmo dantzagarriak eta letra zuzenak aurkitu ditugu bertan. Esateko zuenaz galdetuta, honakoa kontatu zigun estudioan: “Musika urbanoko emakumeek gure mezua entzutea nahi badugu argi hitz egin behar dugu, bestela neska guapa bat baino ez zara”.

Gaztea Sariak

Martxoaren 5ean, 2025ean zehar jasotako uztari erreparatu eta artista, kanta, disko, bideoklip eta zuzeneko onenak sarituko dira.

Aurten, baina, aldaketak izango dira hautaketa prozesuan. Bada, Gazteak osatutako epaimahai batek erabakiko ditu kategoria gehienetako irabazleak.

Hala ere, izango da bozkatzeko aukerarik. Izan ere, Gazteako ikus-entzuleek bi kategoriatako irabazleak erabakiko dituzue, webgunean abiatuko dugun bozketan. Gainera, kategoria berria bat sortu dugu aurtengo sarietarako: ikuskizun onenarena. Sari honekin, 2025ean gurean izan diren kontzertu eta show bereziak sarituko ditugu.

Galan zehar ikusiko ditugun emanaldietako protagonisten izen guztiak jakiteko itxaron beharko den arren, inoiz baino zuzeneko gehiago izango direla aurreratu dezakegu.

Zure interesekoa izan daiteke

Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Janus Lester eta Nøgenek ere joko dute Gaztea Sarien galan

IZARO eta Olaia Inziarteren zuzenekoa iragarrita, Jokin Pintatxoren banda eta Nøgen donostiarrak batu dira kartelera.

IZARO eta Olaia Inziartek Gaztea Sarien galan joko dute

Martxoaren 5ean izango da sari banaketa, Euskalduna Bilbaoko Urban Hallen. Galan joko dute bi artistek, eta ama izan aurreko azken emanaldia izango da IZAROrentzat.

Badatoz Gaztea Sariak: martxoaren 5ean izango dira, Euskalduna Bilbaon

Gure musikak 2025an emandakoa omendu eta saritzeaz gain, zuzeneko emanaldiz jositako sekulako festa prestatu dugu aurtengo ediziorako.

“Merezi Ote”, “Basan”, “TXITXARRO”, “Teoria bat” eta “Beste Behin”, kanta onenaren Gaztea Saria jasotzeko hautagaiak

2024ak utzitako kanta guztietatik , Chill Mafia, Olatz Salvador, SÜNE, Gorka Urbizu eta Bengoren kantak aukeratu ditu Gazteako epaimahaiak. Martxoaren 6an jakingo dugu zeinek eramango duen garaikurra, Euskalduna Bilbaon egingo dugun festa handian.

“Esku Burdin”, “eman abisua”, “lilili”, “Mugaz Gaindi” eta “Hileta Kantu Nafarra”, bideoklip onenaren Gaztea Saria jasotzeko hautagaiak

J Martina, Olaia Inziarte, Merina Gris, Mirua eta ZETAKen bideoak hautatu ditu Gazteako epaimahaiak. Martxoaren 6an ezagutuko dugu irabazlea, Euskalduna Bilbaoko sari banaketan.

SÜNE, Gorka Urbizu, Janus Lester, IZARO eta Chill Mafia Gaztea Sarietan izendatu, artista onenaren kategorian

Gazteak osatutako epaimahaiak aukeratu ditu bost izendatuak. Martxoaren 6an Euskalduna Bilbaon egingo dugun festa handian jakingo dugu irabazlearen izena.

‘Hasiera bat’, ‘Negu Gorri’, ‘Zainak eman’, ‘Ezpatei Disdira!’ eta ‘De Un Pueblo Llamado Agurain’, disko onenaren Gaztea Sarirako izendatuta

Gorka Urbizu, J Martina, Olatz Salvador, Tatxers eta Duplaren lanak aukeratu ditu Gazteako epaimahaiak. Martxoaren 6an jakingo dugu zeinek eramango duen garaikurra, Euskalduna Bilbaon egingo dugun festa handian.

Naxker, Maskak, Sukena, Marte Lasarte eta Nakar, talde berri onenaren Gaztea Sarirako izendatuta

Martxoaren 6an jakingo dugu zeinek eramango duen garaikurra, Euskalduna Bilbaon egingo dugun festa handian.

Publizitatea