“Bi Begi Bi Lore”, “Panpin bat bezala”, “Salda badago”, “Xorieri” eta “Zilarra” dira abesti onenaren Gaztea Sarirako izendatuak

Janus Lester, Nøgen, HOFE, Jimena Amarillo, Mirua, IZARO eta Gorka Urbizu bertan izango dira, saria jasotzeko prest.

Erredakzioa

2026/03/02 - 11:11

Azken eguneratzea

2026/03/02 - 11:11

Janus Lester eta Nøgenen “Bi Begi Bi Lore”, HOFE eta Jimena Amarilloren “Panpin bat bezala”, Miruaren “Salda Badago”, IZARO eta Baiucaren “Xorieri” eta Gorka Urbizuren “Zilarra” dira abesti onenaren Gaztea Saria jasotzeko hautatutako kantak. Ostegun honetan (martxoak 5) banatuko dira Gaztea Sariak, Euskalduna Bilbao Urban Hall espazioan.

Janus Lester eta Nøgenen “Bi Begi Bi Lore”

Janus Lesterren Lore diskoan entzun genuen estreinakoz “Bi Begi Bi Lore”. Lana kaleratu eta hilabete batzuetara, kantari buelta bat eman eta Nøgeneko lagunekin egindako bertsioa aurkeztu ziguten.

Gaztean estreinatu genuen lorategi bihurtutako autobusaren bideoklip ederra. Ez dakigu garaikurra eramango duten, baina “Bi Begi Bi Lore” zuzenean entzuteko aukera izango dugu Gaztea Sarietako galan.

HOFE eta Jimena Amarilloren “Panpin bat bezala”

Bi hauek ere elkarrekin igoko dira Gaztea Sarietako oholtzara, Kabian ekimenaren baitan sortutako kanta elkarrekin abesteko. Jimena Amarillo Valentziatik etorriko da, eta Bilbao BBK Liveko saio berezian hitzeman zigunez, euskaraz kantatzen entzuteko aukera izango dugu ostegunean.

Miruaren “Salda Badago”

MIRUENEA diskoa aurkeztu zigutenean, diskoko kanta kutunena aukeratzeko eskatu genien taldekideei. Mattinek “Salda Badago” aukeratu zuen, eta horrela azaldu zigun: “Ez da erantzun orijinala, baia tabernetan entzuten dudanean esaten dut: temazo bat da. Pop kanta borobila da eta pozik jartzen nau, gustura entzungo nuke egunerokoan”.

IZARO eta Baiucaren “Xorieri”

IZAROk eta Baiuca galiziar artistak elkarrekin egindako “Xorieri” abestia 2025eko euskal kantarik entzunena izan da. Mixel Labegerieren “Xorieri mintzo zen” abestiaren bertsio garaikidea da, eta bizi ditugun garaietan naturarekin konektatzeko beharraz ari dela azaldu zigun IZAROk “GU” saioan.

Gorka Urbizuren “Zilarra”

Zaragozan eman zuen kontzertu baten soinu proban sortu zen “Zilarra” kantaren lehen ideia. Gorka Urbizuk berak azaldu zigun, Bakan II EParen aurkezpenean. Nafar artistaren kanta momentu paregabean iritsi zaio eskuartera, kantugintzan “koxka bat gora” egin baitu bere azken lanean. Hala azaldu zigun: “Oso konektatuta nago egiten ari naizenarekin eta egiteko moduarekin”.

Gaztea Sariak

Martxoaren 5ean, 2025ean zehar jasotako uztari erreparatu eta artista, kanta, disko, bideoklip eta zuzeneko onenak sarituko dira Euskalduna Bilbaoko Urban Hallen. Gaztea Sarien gala 20:30 hasiko da. Aurretik, alonbra gorritik igaroko dira galako gonbidatu guztiak, 19:30etik aurrera. Euskalduna Bilbaok ordu horretan, 19:30ean, irekiko dizkio ateak publikoari.

Sarrerak eskuragarri jarri eta hiru ordura agortu ziren. Hala ere, gure sare sozialetan Gazte Sarietara joateko gonbidapen bikoitzak zozkatuko ditugu egunotan.

Aurten, baina, aldaketak izango dira hautaketa prozesuan. Bada, Gazteak osatutako epaimahai batek erabakiko ditu kategoria gehienetako irabazleak.

Hala ere, izango da bozkatzeko aukerarik. Izan ere, Gazteako ikus-entzuleek bi kategoriatako irabazleak erabakiko dituzue, webgunean abiatu dugun bozketan. Gainera, kategoria berria bat sortu dugu aurtengo sarietarako: ikuskizun onenarena. Sari honekin, 2025ean gurean izan diren kontzertu eta show bereziak sarituko ditugu.

Zure interesekoa izan daiteke

Gaztea Sarietako gida: osteguneko hitzordurako jakin beharreko guztia

19:30ean irekiko dira Euskalduna Bilboko Urban Hall espazioko ateak. Gala hasi aurretik, gonbidatuak alfonbra gorritik igaroko dira. Alfonbra gorria eta gala streaming bidez ikusteko aukera izango da, Gaztearen webgunean eta YouTubeko kanalean.

Süne, ZETAK, Dupla, Olatz Salvador eta Janus Lester dira artista onenaren Gaztea Saria eramateko hautagaiak

Martxoaren 5ean jakingo dugu irabazlearen izena, Euskalduna Bilbaoko Urban Halleko festa handian.

ETSren ‘KONKISTA’, EZEZEZen ‘Kabakriba’, Merina Grisen ‘ZULOA’, Olaia Inziarteren ‘Zerrautsa’ eta Miruaren ‘MIRUENEA’, Gaztea Sarietan izendatu, disko onenaren kategorian

2025ean kaleratutako lanen artean, bost hauek aukeratu ditu Gazteak. Epaimahaiak aukeratuko du zeinek eramango duen garaikurra, baina gogoratu zuzeneko eta ikuskizun onenaren irabazlea zuk aukeratuko duzula, bozketa bidez.

GAR, Naxker, Maskak, Burutik eta Aimarz dira artista berri onenaren Gaztea Saria irabazteko hautagaiak

Kutxabank Kornerrek babestutako garaikurrak 2025ean ezagutu dugun artista edo talde berria onena sarituko du.

Amaia Miranda, Euskoprincess, HOFE, Mirua eta XSakararen bideoak, bideoklip onenaren kategorian lehiatzeko hautagaiak

“Amak Dio/Entre Mi Sangre y El Llanto”, “Euskañol”, “Morroxko” , “R.A.” eta “YEPA!” abestien bideoklipak dira Gaztea Sarietako bideoklip onenaren kategoriako izendatuak.

Merina Gris eta Gorka Urbizu, Gaztea Sarien zuzeneko emanaldien zerrenda ixteko

“Tesla Bat Zutan” hitaren egileak martxoaren 5eko galan izango dira, Euskalduna Bilbaon. Haiekin batera, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester arituko dira zuzenean.

HOFE eta Jimena Amarillo, elkarrekin estreinakoz, Gaztea Sarien galan

“Panpin bat bezala” hi-a zuzenean entzun nahi? Martxoaren 5ean izango duzu aukera, Gaztea Sarien galan.

Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Publizitatea