Merina Gris eta Gorka Urbizu, Gaztea Sarien zuzeneko emanaldien zerrenda ixteko

“Tesla Bat Zutan” hitaren egileak martxoaren 5eko galan izango dira, Euskalduna Bilbaon. Haiekin batera, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester arituko dira zuzenean.

Erredakzioa

2026/02/25 - 09:28

Azken eguneratzea

2026/02/25 - 09:28

Merina Grisek eta Gorka Urbizuk elkarrekin joko dute, martxoaren 5eko Gaztea Sarien galan. “Tesla Bat Sutan” abestiaren bi sortzaileak oholtza gainean ikusteko aukera bakarra izan da orain arte, eta Bilboko Euskaldunan errepikatuko da, datorren ostegunean.

Gainera, elkarlaneko bi artistak zuzeneko onenaren kategorian daude izendatuta, eta gau horretan bertan jakingo dute nork eramango duen garaikurra. Publikoak aukeratuko du kategoria honetako irabazlea, eta oraindik bozkatzeko aukera dago.

Azken iragarpen honekin itxi da Gaztea Sarietako zuzeneko emanaldien zerrenda. Orotara, bost aktuazio ikusteko aukera egongo da: Merina Gris eta Gorka Urbizu, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester.

Gaztea Sariak

Martxoaren 5ean, 2025ean zehar jasotako uztari erreparatu eta artista, kanta, disko, bideoklip eta zuzeneko onenak sarituko dira Euskalduna Bilbaoko Urban Hallen. Gaztea Sarien gala 20:30 hasiko da. Aurretik, alonbra gorritik igaroko dira galako gonbidatu guztiak, 19:30etik aurrera. Euskalduna Bilbaok ordu horretan, 19:30ean, irekiko dizkio ateak publikoari. Sarrera doakoa izango da, baina gonbidapena eskuratzea beharrezkoa izango da. Otsailaren 25eko eguerdiko 12:00etan jarriko dira eskuragarri, Euskaldunaren webgunean.

Aurten, baina, aldaketak izango dira hautaketa prozesuan. Bada, Gazteak osatutako epaimahai batek erabakiko ditu kategoria gehienetako irabazleak.

Hala ere, izango da bozkatzeko aukerarik. Izan ere, Gazteako ikus-entzuleek bi kategoriatako irabazleak erabakiko dituzue, webgunean abiatu dugun bozketan. Gainera, kategoria berria bat sortu dugu aurtengo sarietarako: ikuskizun onenarena. Sari honekin, 2025ean gurean izan diren kontzertu eta show bereziak sarituko ditugu.

Zure interesekoa izan daiteke

Amaia Miranda, Euskoprincess, HOFE, Mirua eta XSakararen bideoak, bideoklip onenaren kategorian lehiatzeko hautagaiak

“Amak Dio/Entre Mi Sangre y El Llanto”, “Euskañol”, “Morroxko” , “R.A.” eta “YEPA!” abestien bideoklipak dira Gaztea Sarietako bideoklip onenaren kategoriako izendatuak.

HOFE eta Jimena Amarillo, elkarrekin estreinakoz, Gaztea Sarien galan

“Panpin bat bezala” hi-a zuzenean entzun nahi? Martxoaren 5ean izango duzu aukera, Gaztea Sarien galan.

Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Janus Lester eta Nøgenek ere joko dute Gaztea Sarien galan

IZARO eta Olaia Inziarteren zuzenekoa iragarrita, Jokin Pintatxoren banda eta Nøgen donostiarrak batu dira kartelera.

IZARO eta Olaia Inziartek Gaztea Sarien galan joko dute

Martxoaren 5ean izango da sari banaketa, Euskalduna Bilbaoko Urban Hallen. Galan joko dute bi artistek, eta ama izan aurreko azken emanaldia izango da IZAROrentzat.

Badatoz Gaztea Sariak: martxoaren 5ean izango dira, Euskalduna Bilbaon

Gure musikak 2025an emandakoa omendu eta saritzeaz gain, zuzeneko emanaldiz jositako sekulako festa prestatu dugu aurtengo ediziorako. Sarrerak otsailaren 25ean izango dira eskuragarri, 12:00etan.

“Merezi Ote”, “Basan”, “TXITXARRO”, “Teoria bat” eta “Beste Behin”, kanta onenaren Gaztea Saria jasotzeko hautagaiak

2024ak utzitako kanta guztietatik , Chill Mafia, Olatz Salvador, SÜNE, Gorka Urbizu eta Bengoren kantak aukeratu ditu Gazteako epaimahaiak. Martxoaren 6an jakingo dugu zeinek eramango duen garaikurra, Euskalduna Bilbaon egingo dugun festa handian.

“Esku Burdin”, “eman abisua”, “lilili”, “Mugaz Gaindi” eta “Hileta Kantu Nafarra”, bideoklip onenaren Gaztea Saria jasotzeko hautagaiak

J Martina, Olaia Inziarte, Merina Gris, Mirua eta ZETAKen bideoak hautatu ditu Gazteako epaimahaiak. Martxoaren 6an ezagutuko dugu irabazlea, Euskalduna Bilbaoko sari banaketan.

Publizitatea