ETSren ‘KONKISTA’, EZEZEZen ‘Kabakriba’, Merina Grisen ‘ZULOA’, Olaia Inziarteren ‘Zerrautsa’ eta Miruaren ‘MIRUENEA’, Gaztea Sarietan izendatu, disko onenaren kategorian

2025ean kaleratutako lanen artean, bost hauek aukeratu ditu Gazteak. Epaimahaiak aukeratuko du zeinek eramango duen garaikurra, baina gogoratu zuzeneko eta ikuskizun onenaren irabazlea zuk aukeratuko duzula, bozketa bidez.

Erredakzioa

2026/02/26 - 10:51

Azken eguneratzea

2026/02/26 - 10:51

Disko onenaren kategorian, ETSren KONKISTA, EZEZEZen Kabakriba, Merina Grisen ZULOA, Olaia Inziarteren Zerrautsa eta Miruaren MIRUENEA dira aurtengo Gaztea Sarietako izendatuak.

KONKISTA

2025 bukaeran iritsi zen Konkista, ETSren diskorik eklektikoena. Buesa Arenan egin zuten aurkezpen publikoa, 8.000 lagunen aurrean. Diskoko kantak aurkeztu eta abestien atzean dagoenaz hitz egiteko aukera izan zuen Iñigo Etxezarretak.

ETSren hitzetan, KONKISTA kontrastez beteriko lana da; bizitzeko beharrezkoak diren emozio mingarri, zauri eta orbainen multzoa.

Kabakriba

Bizkaitar bandak maiatzean kaleratu zuen bere azken diskoa. Taldeko kideek “B Aldea”n azaldu zigutenez, “erabaki organikoz” beteriko diskoa da Kabakriba. Izan ere, “letra lurtarragoak” egiten saiatu dira, eta “kezka espliziturik gabe”.

Diskoa aurkeztu zutenetik, berrogeita hamar kontzertutik gora eman dituzte Euskal Herria, Valentzia, Andaluzia eta Katalunian barrena.

ZULOA

Otsailean iritsi zen donostiar bandaren bigarren disko luzea. Albumaren izenaren kontzeptuaren bueltan, bizitzak eragin ditzakeen mota guztietako zuloen inguruko abesti sorta kaleratu zuten.

Urtebete igaro da ordutik, eta ZULOA diskoko abestien zilarrezko ibaia Bartzelona, Paris eta Txipreraino iritsi da.

Zerrautsa

2025eko lehen egunetan jaso genuen Zerrautsa, Olaia Inziarteren bigarren diskoa. Olaiak berak “Dida!”n azaldu zigunez, larrugorritze ariketa zintzoa da lana: “Oso disko biluzia da, beldurra ematen dit, baina sinetsi nahi dut jendeak tentuz hartuko duela”.

“zenbat okupatzen du?”, Natxo de Feliperekin egindako kanta, da diskoko kolaborazio bakarra. Oskorrirekin urteetan zehar obsesionatuta egon ostean, Inziarterentzat amets bat betetzea izan zen abesti hori grabatzeko aukera izatea.

MIRUENEA

Hautagaien arteko diskorik koralena da Mirua tolosarren diskoa. TOC, Kiliki, Maddi Oihenart, Hofe, Juantxo Zeberio, Xabier Leturia, Leire Leturia eta Maixa musikarien talentuaz baliatu dira euren MIRUENEA sortzeko. Honela azaldu ziguten taldekideek: “Saiatu gara gure burua musikaren mesedetan jartzen, abesti bakoitzak eskatzen zuena entzuten eta egoak alde batera uzten. Badakigu ez dela erraza, baina abesti bat egin nahi bagenuen eta ikusten bagenuen bazegoela norbait guk baino hobeto egingo zuela, proposamena bota diogu. Eta gehienetan baiezkoa izan da erantzuna”.

Zure interesekoa izan daiteke

Gaztea Sarietako gida: osteguneko hitzordurako jakin beharreko guztia

19:30ean irekiko dira Euskalduna Bilboko Urban Hall espazioko ateak. Gala hasi aurretik, gonbidatuak alfonbra gorritik igaroko dira. Alfonbra gorria eta gala streaming bidez ikusteko aukera izango da, Gaztearen webgunean eta YouTubeko kanalean.

“Bi Begi Bi Lore”, “Panpin bat bezala”, “Salda badago”, “Xorieri” eta “Zilarra” dira abesti onenaren Gaztea Sarirako izendatuak

Janus Lester, Nøgen, HOFE, Jimena Amarillo, Mirua, IZARO eta Gorka Urbizu bertan izango dira, saria jasotzeko prest.

Süne, ZETAK, Dupla, Olatz Salvador eta Janus Lester dira artista onenaren Gaztea Saria eramateko hautagaiak

Martxoaren 5ean jakingo dugu irabazlearen izena, Euskalduna Bilbaoko Urban Halleko festa handian.

GAR, Naxker, Maskak, Burutik eta Aimarz dira artista berri onenaren Gaztea Saria irabazteko hautagaiak

Kutxabank Kornerrek babestutako garaikurrak 2025ean ezagutu dugun artista edo talde berria onena sarituko du.

Amaia Miranda, Euskoprincess, HOFE, Mirua eta XSakararen bideoak, bideoklip onenaren kategorian lehiatzeko hautagaiak

“Amak Dio/Entre Mi Sangre y El Llanto”, “Euskañol”, “Morroxko” , “R.A.” eta “YEPA!” abestien bideoklipak dira Gaztea Sarietako bideoklip onenaren kategoriako izendatuak.

Merina Gris eta Gorka Urbizu, Gaztea Sarien zuzeneko emanaldien zerrenda ixteko

“Tesla Bat Zutan” hitaren egileak martxoaren 5eko galan izango dira, Euskalduna Bilbaon. Haiekin batera, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester arituko dira zuzenean.

HOFE eta Jimena Amarillo, elkarrekin estreinakoz, Gaztea Sarien galan

“Panpin bat bezala” hi-a zuzenean entzun nahi? Martxoaren 5ean izango duzu aukera, Gaztea Sarien galan.

Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Publizitatea