Amaia Miranda, Euskoprincess, HOFE, Mirua eta XSakararen bideoak, bideoklip onenaren kategorian lehiatzeko hautagaiak

“Amak Dio/Entre Mi Sangre y El Llanto”, “Euskañol”, “Morroxko” , “R.A.” eta “YEPA!” abestien bideoklipak dira Gaztea Sarietako bideoklip onenaren kategoriako izendatuak.

Erredakzioa

2026/02/25 - 09:42

Azken eguneratzea

2026/02/25 - 09:42

Amaia Mirandaren “Amak Dio/Entre Mi Sangre y El Llanto”, Euskoprincessen “Euskañol”, HOFEren “R.A.”, Miruaren “Morroxko” eta XSakararen “YEPA!” abestien bideoak dira Gaztea Sarietako bideoklip onenaren aurtengo izendatuak.

Amak Dio/Entre Mi Sangre y El Llanto

Serafina Ventura eta Felix Armendolek zuzendu dute “Amak Dio/Entre Mi Sangre y El Llanto” bideoklipa. Bideo bikoitza da, Amaia Mirandaren disko berrian aurki daitezkeen bi kanta batzen dituena. Bertan, Amaia bera ageri da, elurrez estalitako mendietan barrena, western itxurako giroan. Mirandak berak aurkezpenean azaldu zuenez, “bideoklip bat egin nahi zuten baina film labur bat atera zitzaien”.

Euskañol

Euskoprincessen “Euskañol” kantaren bideoa Terrier Film kataluniar ekoiztetxeak egin du, Alejo Ayalaren zuzendaritzapean. Parkingetako festak, autoak, bozgorailuak, paisaiak eta dantza dira bideoko ezaugarri nagusiak.

YEPA!

“YEPA!”ren bideoklipa grabatzeko herria hankaz gora jarri zuen XSakarak. Haurrez, familiaz eta dantzariz inguratuta ageri da bermeotar musikaria, herriko portuan, 100 lagunetik gora bilduta. Mugak ekoitzi du lana, Aitor Arangurenen zuzendaritzapean.

R.A.

Bilboko San Frantzisko kalean grabatu da HOFE eta InncerCuten “R.A.” abestiaren bideoklipa. Liam McDonnell eta Adrian Lorenzo bilbotarrek egin dute bideoa, eta Iyán Altube da argazki zuzendaria. Bertan, HOFE eta honen alter ego emozionala, Javier Marco Cambra ‘Chavi’, ageri dira, auzoko lagunez inguratuta, Bilboko kale ezagunean barrena.

Morroxko

Izendatutako bideoen artean, badago HOFE eta Euskoprincess agertzen diren beste bat: Miruaren “Morroxko”. Aktore lanetan ikus dezakegu nafar musikaria, Miruako lagunekin, bideokliparen hasiera. Mattin Zeberio Larraza Miruako kideak zuzendu du pieza, Arriguriren argazki zuzendaritzarekin. Bertsolaritza, motorrak, folklorea eta adin guztietako lagunei zuzendutako festa dira nagusi Miruaren klipean.

Zure interesekoa izan daiteke

Gaztea Sarietako gida: osteguneko hitzordurako jakin beharreko guztia

19:30ean irekiko dira Euskalduna Bilboko Urban Hall espazioko ateak. Gala hasi aurretik, gonbidatuak alfonbra gorritik igaroko dira. Alfonbra gorria eta gala streaming bidez ikusteko aukera izango da, Gaztearen webgunean eta YouTubeko kanalean.

“Bi Begi Bi Lore”, “Panpin bat bezala”, “Salda badago”, “Xorieri” eta “Zilarra” dira abesti onenaren Gaztea Sarirako izendatuak

Janus Lester, Nøgen, HOFE, Jimena Amarillo, Mirua, IZARO eta Gorka Urbizu bertan izango dira, saria jasotzeko prest.

Süne, ZETAK, Dupla, Olatz Salvador eta Janus Lester dira artista onenaren Gaztea Saria eramateko hautagaiak

Martxoaren 5ean jakingo dugu irabazlearen izena, Euskalduna Bilbaoko Urban Halleko festa handian.

ETSren ‘KONKISTA’, EZEZEZen ‘Kabakriba’, Merina Grisen ‘ZULOA’, Olaia Inziarteren ‘Zerrautsa’ eta Miruaren ‘MIRUENEA’, Gaztea Sarietan izendatu, disko onenaren kategorian

2025ean kaleratutako lanen artean, bost hauek aukeratu ditu Gazteak. Epaimahaiak aukeratuko du zeinek eramango duen garaikurra, baina gogoratu zuzeneko eta ikuskizun onenaren irabazlea zuk aukeratuko duzula, bozketa bidez.

GAR, Naxker, Maskak, Burutik eta Aimarz dira artista berri onenaren Gaztea Saria irabazteko hautagaiak

Kutxabank Kornerrek babestutako garaikurrak 2025ean ezagutu dugun artista edo talde berria onena sarituko du.

Merina Gris eta Gorka Urbizu, Gaztea Sarien zuzeneko emanaldien zerrenda ixteko

“Tesla Bat Zutan” hitaren egileak martxoaren 5eko galan izango dira, Euskalduna Bilbaon. Haiekin batera, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester arituko dira zuzenean.

HOFE eta Jimena Amarillo, elkarrekin estreinakoz, Gaztea Sarien galan

“Panpin bat bezala” hi-a zuzenean entzun nahi? Martxoaren 5ean izango duzu aukera, Gaztea Sarien galan.

Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Publizitatea