GAR, Naxker, Maskak, Burutik eta Aimarz dira artista berri onenaren Gaztea Saria irabazteko hautagaiak

Kutxabank Kornerrek babestutako garaikurrak 2025ean ezagutu dugun artista edo talde berria onena sarituko du.

Erredakzioa

2026/02/26 - 09:49

Azken eguneratzea

2026/02/26 - 09:49

GAR, Naxker, Maskak, Burutik eta Aimarz dira aurtengo Gaztea Sarietako artista berri onenaren Kutxabank Korner saria jasotzeko hautagaiak. Gehienak aurretik hasi ziren arren, 2025ean egin dira ezagun. Martxoaren 5eko sari banaketan izango dira denak, eta bertan ikusiko dugu zeinek eramango duen garaikurra.

GAR

Durangaldetik dator eta 2025eko Maketa Lehiaketako irabazlea da. Jon Gartziak, musika proiektuaren buruak, urteak daramatza musikaren munduan, baina aurten erabaki du beste hainbat musikarirekin elkartu eta banda osatzea.

Gasteizeko Jimmy Jazzeko final handian sekulako erakustaldia eman ostean, GARen “Ilargi gorria” etenik gabe entzun dugu Gaztean.

Naxker

2022an osatu zuten taldea, Atarrabiako talde feministan, jaietan jotzeko talde bila ari zirela, bertan zeuden hainbat emakumek talde bat osatu eta jaietarako jotzeko moduko errepertorio bat prestatzeko konpromezua hartu zutenean.

Esan eta egin. Ordutik, bi EP kaleratu eta 2025a Euskal Herriko plaza eta aretoetan barrena eman dute.

Maskak

2024an entzun genuen lehen aldiz Maskaken izena. “B Aldea”n izan ziren taldeko Betti eta Battit, Buruz Buru izeneko debut diskoa aurkezten. Ordutik, buelta asko eman dizkiogu lan horri, baita kaleratu berri duten “Ez naizena” aurrerapen kantari ere.

Duela hogei egun kaleratu dute Ziklikoa, euren bigarren diskoa. Jendeari aurkezteko kontzertu berezia egingo dute Ezpeletako Merkatu Estalian, martxoaren 6an.

Burutik

Aspaldiko lagunak dira Burutik nafarrak.

Hala ere, azken urtean inoiz baino gehiago entzun ditugu, Ipuinak disko berriaren aitzakian.

Luar Alberdi abeslariak taldea utzi eta Naroa Goñi fitxatu du nafar bandak, eta talde gisa ere egiten duten horri buelta bat ematen ari direla aitortu ziguten: “Nafarroan denak hezitu garela punk-oi generoaren itzalean, eta ari gara panfletotik poesiara pasa nahian, eta poesiara pasatze horretan politika ez dugu utzi nahi, baina soinu poperoagoa egin nahi dugu”.

Aimarz

2025eko udara urdina izan da, Aimarzi esker. Hainbat single kaleratu ostean, irailean iritsi zen Z izeneko zumarragar artistaren lehen diskoa. Ohe handi batean, pijaman eta panpinez inguratuta, ikusi dugu oholtzetan.

Aimarzek berak kontatu izan duenez, duela lau urte hasi zen musika sortzen, logelan. 2025ean jaso du orduan ereindakoaren fruitua, Euskal Herriko areto nagusietatik egindako biran.

Zure interesekoa izan daiteke

Gaztea Sarietako gida: osteguneko hitzordurako jakin beharreko guztia

19:30ean irekiko dira Euskalduna Bilboko Urban Hall espazioko ateak. Gala hasi aurretik, gonbidatuak alfonbra gorritik igaroko dira. Alfonbra gorria eta gala streaming bidez ikusteko aukera izango da, Gaztearen webgunean eta YouTubeko kanalean.

“Bi Begi Bi Lore”, “Panpin bat bezala”, “Salda badago”, “Xorieri” eta “Zilarra” dira abesti onenaren Gaztea Sarirako izendatuak

Janus Lester, Nøgen, HOFE, Jimena Amarillo, Mirua, IZARO eta Gorka Urbizu bertan izango dira, saria jasotzeko prest.

Süne, ZETAK, Dupla, Olatz Salvador eta Janus Lester dira artista onenaren Gaztea Saria eramateko hautagaiak

Martxoaren 5ean jakingo dugu irabazlearen izena, Euskalduna Bilbaoko Urban Halleko festa handian.

ETSren ‘KONKISTA’, EZEZEZen ‘Kabakriba’, Merina Grisen ‘ZULOA’, Olaia Inziarteren ‘Zerrautsa’ eta Miruaren ‘MIRUENEA’, Gaztea Sarietan izendatu, disko onenaren kategorian

2025ean kaleratutako lanen artean, bost hauek aukeratu ditu Gazteak. Epaimahaiak aukeratuko du zeinek eramango duen garaikurra, baina gogoratu zuzeneko eta ikuskizun onenaren irabazlea zuk aukeratuko duzula, bozketa bidez.

Amaia Miranda, Euskoprincess, HOFE, Mirua eta XSakararen bideoak, bideoklip onenaren kategorian lehiatzeko hautagaiak

“Amak Dio/Entre Mi Sangre y El Llanto”, “Euskañol”, “Morroxko” , “R.A.” eta “YEPA!” abestien bideoklipak dira Gaztea Sarietako bideoklip onenaren kategoriako izendatuak.

Merina Gris eta Gorka Urbizu, Gaztea Sarien zuzeneko emanaldien zerrenda ixteko

“Tesla Bat Zutan” hitaren egileak martxoaren 5eko galan izango dira, Euskalduna Bilbaon. Haiekin batera, Euskoprincess, Hofe eta Jimena Amarillo, IZARO eta Olaia Inziarte eta Nøgen eta Janus Lester arituko dira zuzenean.

HOFE eta Jimena Amarillo, elkarrekin estreinakoz, Gaztea Sarien galan

“Panpin bat bezala” hi-a zuzenean entzun nahi? Martxoaren 5ean izango duzu aukera, Gaztea Sarien galan.

Zuek aukeratuko dituzue Gaztea Sarietako zuzeneko eta ikuskizun onenaren irabazleak, webgune bidezko bozketan

Zuzeneko onenaren kategorian, Merina Gris, Chill Mafia, Olaia Inziarte, EZEZEZ eta Gorka Urbizu dira izendatuak. Ikuskizun onenarenean, ostera, honakoak dira izendatuak: IZAROren ‘cerodenero’, ETSren ‘20 urte zure eskutik’, ZETAKen ‘Mitoaroa’, Fermin Muguruzaren 40. urteurreneko Anoetako kontzertua eta Gatiburen ‘Agur esan barik’.

Euskoprincess, Gaztea Sarietako galako zuzenekoen artean

Sari banaketan, zuzenean abestuko du Hernaniko musikariak, IZARO, Olaia Inziarte, Janus Lester, Nøgen eta iragartzear dauden beste hainbat artistekin.

Publizitatea