Maruxak taldeko kideak “GU”n izan dira, “Compostelako Erromesa Remix”en oihartzuna hizpide. 2019an elkartu ziren lehen aldiz Maruxak, eta ordutik taldea handitzen joan dira. Drag eta trabestiz osatutako zortzi laguneko taldea dira egun, eta euskal musika tradizionala eta drag iruditeria uztartzen dituzte Folklore trabesti izeneko ikuskizunean.
Kaleratu berri duten kantaz galdetuta, festa giroan eta erdi txantxetan sortu zela kontatu digute Maruxakeko kideek. Tapia eta Leturiak kolaborazioa onartuta, sekulakoa izan da elkarlanaren arrakasta. Gazte Topagunean jo dute, eta Hatortxu Rock jaialdiaren azken edizioan ere izango dira.
Erreferenteez galdetuta, nerabetan falta izan zaizkiela aitortu dute bi artistek: “Askotan pentsatu dugu, gu nerabeak ginenean txosnetan horrelako zerbait eduki izan bagina zer izango ginateke orain?”. Egiten ari direna asimilatzen duten bitartean, gauzak aldatzen hasi direla uste dute: “Egia da orain arte ez dela sekula ikusi drag talde bat Gazte Topaguneko oholtza nagusian”. Gizartea aurrera doan arren, une deserosoak eta erasoak bizi izan dituztela kontatu digute Maruxakeko kideek.
