Trabesti parea, Compostelara bidean: Maruxakek Tapia eta Leturiaren kantaren remixa aurkeztu digu

Mendillorritik (Iruñea) Maruxak drak kolektiboak “Compostelako Erromesa Remix” abestia aurkeztu digu “B Aldea”n. Taldeko Kattak azaldu digunez, Tapia eta Leturiaren klasikoa “makineroago” bihurtu eta gaurkotu egin dute, euren partehartzearekin.

Amets Aznarez Tapia eta Leturiaren tronboi jolea izan da bi taldeen arteko kontaktua. Hasiera hasieratik, bi musikareekin izan duten harremana irekia eta erreza izan dela kontatu digu gonbidatuak. Ohi bezala, 3k4inek ekoitzi die kanta (Ganibet taldeko Ekain Alegre).

Egun, zortzi kide polifazetikok (bi drag eta sei trabesti) osatzen dute Maruxak kolektiboa. Euren eguneroko lanaz galdetuta, eszenaren alde ilunak ere bizi izan dituztela kontatu digu elkarrizketatuak. Izan ere, ordu txikietan programatu ohi dituzte drag eta trabestien ikuskizunak, eta askotan egoera deserosoak bizi izan dituztela kontatu digu.

Laster Folklore trabesti izeneko ikuskizun berria kaleratuko dutela aurreratu digu Maruxak taldeko kideak.