Anestesia, ZETAK, Delirium Tremens, KOP, Zea Mays, Deskontrol, Arkada Social, Naxker eta Ødei ere Hatortxu Rocken azken edizioan izango dira

Jaialdiak azken hitzordua du Lakuntzan, uztailaren 24tik 27ra. Barniz, Bizardunak, Potato, Svetlana, Juantxo Skalari & The Rude Band + Set Skalariak, Kaleko Urdangak, Xutik, Las Ninyas del corro, Odolkiak Ordainetan, Talco, Xiberoots, Zaunka, Nafarroa 1512 eta Reinicidentes ere batu dira kartelera.

Erredakzioa

2025/04/24 - 10:01

Azken eguneratzea

2025/04/24 - 10:19

Uztailaren 24tik 27ra egingo da azken Hatortxu Rock jaialdia, Lakuntzan. Antolatzaileek Anestesia, ZETAK, Delirium Tremens, KOP, Zea Mays, Deskontrol + Arkada Social, Naxker, Ødei eta festara batuko diren beste hainbat talde iragarri dituzte gaur.

Aipatutakoez gain, Barniz, Bizardunak, Potato, Svetlana, Mirua, Juantxo Skalari & The Rude Band + Set Skalariak, Kaleko Urdangak, Xutik, Las Ninyas del corro, Odolkiak Ordainetan, Talco, Xiberoots, Zaunka, Nafarroa 1512 eta Reinicidentes ere batu dira kartelera.

Izen berriak aurretik iragarritako kartel koloretsura batuko dira, adin eta gustu guztiak aseko dituen musika programazioa osatuta. Gainera, nostalgikoek itzulera paregabeez gozatzeko aukera izango dute. Bada, Latzen, Alaitz eta Maider, Skatu eta Afu taldeak berriz igoko dira oholtzara, euskal presoen aldeko jaialdiari agur esateko.

Sarrerak

Hiru eguneko bonoa salgai dago dagoeneko, Hatortxu Rocken webgunean, 105 euroan. Bertan lo egin nahi dutenek (kanpinean, furgonetan edo autokarabanan) eguneko 10 euroko sarrera erosi beharko dute. 13 urtetik beherako umeek doan sartzeko aukera izango dute.

Musika albiste gehiago

Palestinaren aldeko musika jaialdia, igande honetan, Uliako Mintegien Parkean

ALAI, Krii Kolektiboa, Flaca, Gela, Ofensa, LaMia Mari This Ist eta Siwanaba artistek zuzenekoak eskainiko dituzte Donostia Palestina elkartearentzako dirua biltzeko.

HOFE, Sukena, Merina Gris, Olatz Salvador, Bengo, Euskoprincess eta Lukiek, Donostiako Aste Nagusi Piratan

Donostiako Piratek aurtengo jaietako kartela iragarri dute. Abuztuaren 9tik 16ra, hainbat euskal artisten zuzenekoek Donostiako kaia hartuko dute.

Mirua: “Ez zaigu folklorearen mistizismoa eta erromantizismoa interesatzen. Denok hunkitu gaitezke Irulegiko Eskuarekin, baina gure asmoa ez da herri milenario bat aldarrikatzea”

MIRUENEA estreinako disko luzea kaleratu eta hamar egunera, Mirua taldeko Mattin eta Malentxo Zeberio bertan aurkituko dugunaz aritu zaizkigu. Musikari askorekin lan egitearen onurak, diskoak izandako harrera, ondarea eta folklorearen instrumentalizazioa izan dituzte hizpide.

Ezpalakek ez du Resurrection Festen joko, KKR inbertsio funtsaren kontrako erabaki politiko gisa

Gipuzkoar bandak sare sozialetan azaldu duenez, oso zaila egiten zaie euren “ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea”.

KKR inbertsio funtsa, Israelen finantziazioa eta espainiar musika jaialdiak: gertatu dena ulertzeko hiru gako

Kohlberg Kravis Roberts (KKR) inbertsio enpresak mundu mailako hainbat aisialdi ekitaldi erosi ditu; tartean, Sónar, Viña Rock, Resurrection Fest, Arenal Sound, FIB eta Monegros Desert Festival.

Gorka Urbizu, Libe, Olatz Salvador, IZARO, Verde Prato, Eneritz Furyak, Bloñ eta Benito Lertxundi, Musika Bulegoa Sarietako irabazleen artean

Nerea Reparaz eta Julen Telleriak aurkeztu dute sari banaketa, Gasteizeko Jimmy Jazzen.

Aimarz, Naxker, Tatxers, Kiliki, Azuleja, Gotts Street Park eta Brooke Combe, Donostiako Boga Boga Festibalean

Irailaren 12tik 14ra egingo dute 2025eko edizioa. León Benavente, Christian Löffler, Deadletter, Jacques, Eneritz Furyak, Nusar3000 eta Kokoscha ere bertan izango dira. Sarrerak salgai daude dagoeneko.

Gorka Urbizuk Bilboko Sala BBKren atarian joko du maiatzaren 17an, Euskaraldiaren baitan

‘Elkar mugituz egingo dugu’ lelopean, hainbat artista bilduko dira Euskaraldia bultzatzeko, BBKk eta Bilboko Udalak antolatutako ekimenetan.

Bad Bunnyk Madril, Bartzelona eta Parisen joko du 2026an: sarreren prezioa eta nola eskuratu

Puertorricar artistak DeBÍ TiRAR MáS FOTOS diskoa aurkeztuko du Europan. Datorren urteko maiatzean Bartzelona eta Madrilen (data bikoitza) izango da, eta uztailean, Parisen.

Lady Gagak errekorra hautsi du Brasilen: 2,1 milioi ikuslerekin, kontzertu batean zale gehien bildu dituen emakumea da

Estatubatuar artistak Rio de Janeiroko Copacabana hondartzan eman du zuzenekoa. Bertan izan zen euskaldun batekin hitz egiteko aukera izan dugu Gaztean.