Manifest X Palestine kontzertuak utzitakoa: erresistentziaren aldeko aldarriak, Morad eta Bad Gyalen arteko elkarlana eta Rosalíaren ezusteko agerpena

Bartzelonako Palau Sant Jordin egindako ekitaldian bildutako diru guztia Palestinako kultur proiektu eta erakundeak bultzatzeko erabiliko da.

Erredakzioa

2026/01/30 - 09:59

Azken eguneratzea

2026/01/30 - 09:59

Amaia, Bad Gyal, Fermin Muguruza, Morad, La Zowi eta beste hainbat artistak Palau Sant Jordi bete dute bart, Palestinaren aldeko Concert-Manifest X Palestine izeneko ekimen bereziaren baitan. Aldarriz beteriko gaua espero ez genuen zuzeneko batekin borobildu dute: ezustean, Rosalía agertu da oholtzan, “La Perla” kantaren bertsio flamenkoa eskaintzeko.

Pep Guardiola futbol entrenatzaileak ireki du ekitaldia, ACT X Palestine elkartearen kanpaina handi hau borobildu duen manifestua irakurriz. Palestinar zapia lepoan, Guardiolak “beste alde batera ez begiratu” eta inplikatzeko deia egin du oholtza gainean. “Isiltasuna sortu nahi duten” bonbei aurre eginez, palestinar herriaren borroka eta memoria aldarrikatzeko garaia dela erantsi du entrenatzaileak.

Blokeetan antolatutako ikuskizunak aurrera egin ahala, bertan ikusi ditugu, besteak beste, Lina Makoul palestinar artista, Amaia, Bad Gyal, Morad, Oques Grasses, Mushka, Yerai Cortés, Mushka, Fermín Muguruza eta Xavi Sarrià. Zuzeneko musikaz gain, Lluis Llach, Gemma Humet, Eduard Fernandez aktorea eta kulturaren alorreko beste hainbat aurpegi ezagunek Palestinaren eta zapaldutako beste hainbat herrialderen aldeko aldarriak egin dituzte taula gainean.

Atzoko gauak utzitako irudien artean, Amaia nafar musikariak “Tengo un pensamiento” abestiaren egindako piano bertsioa nabarmendu dute zale askok; baita Bad Gyalek eskainitako “Fiebre”ren bertsioa eta Moradekin elkarrekin kantatutako “Así Soy” ere.

Musikari askok palestinar jatorriko artistak igo dituzte oholtzara, elkarrekin abestu eta dantzatzeko. Horien artean, Fermin Muguruza. Irundar artistak “Yalah, Yalah, Ramallah!” klasikoa abestu du, Nuria Pino eta Adala Radi kataluniar musikariekin. Hiru artistek oholtzaren atzealdea hartu dute, taulako lehen lerroa Jafra Dabke palestinar dantza taldeari utziz.

Kontzertu erdi aldera, Rosalíaren izena agertu da kontzertuko pantaila erraldoiean. Iragarrita ez zegoen arren, kataluniar musikaria eszenatokian agertu da, flamenko banda txiki batekin. “La Perla”ren bertsio akustikoa kantatu du artistak, eta abestia amaitu aurretik, eskerrak eman eta Manifest X Palestineko oholtza zapaltzea “ohorea” izan dela esan du musikariak. Artistaren agerpenak sare sozialak aztoratu ditu, orain arte Palestinako sarraskiaren inguruan iritzi edo jarrerarik ez erakustea leporatu baitzaio.

Ekitaldian parte hartutako artista guztiak katalanez aritu dira, eta ekitaldia La 2 eta RTVE Playen izan da ikusgai, zuzenean. Radio 3 eta La 2Cat irratiek ere zuzeneko kontaketa egin dute.

Zure interesekoa izan daiteke

IZAROren bonba bikoitza, ‘La Revuelta’n: disko berria atera eta ama izango da!

Bizkaitar musikariak David Broncanoren saioan eman du albiste bikoitza. ‘Arkitektura’ izena jarri dio bere album berriari.

Marte Lasarte eta Sila Lua ‘Kabian’en elkartu dira, “Errepide” abestia elkarrekin sortzeko

Gaztearen formatuaren bigarren denboraldiko atal berria estreinatu dugu. Oraingo honetan, Marte Lasarte taldea eta Sila Lua galiziar artista elkartu dira Orozkoko Artiñano baserrian.

Niña Coyote eta Chico Tornado: 12 urteko bidaia, basamortuan barrena

Niña Coyote eta Chico Tornado bikoak estreinatu du Musika irudiak eraikiz, Gazteak eta Tabakalerak sortu berri duten ekimena. ‘Atea’ diskoaren sorkuntza eta LParekin etorri diren ikus-entzunezko proiektuak izan dituzte hizpide, Ainhoa Vitoriak gidatutako saioan.

Olaia Inziarte, Izaki Gardenak eta Nhilek Jimmy Jazzen joko dute martxoaren 13an, Martxoaren 3ko gertakarien 50. urteurrenean

Martxoak 3 elkarteak eta Jimmy Jazzek elkarlanean antolatu dute M3moria Zuzenean izeneko ekitaldia da. Kontzertuen ostean, Beat Artean kolektiboak biniloak pintxatuko ditu.

GRAFCAT6867. BARCELONA, 20/01/2026.- El equipo de sonido de la película "Sirat", Amanda Villavieja (i), Lola Casanovas (c) y Yasmina Praderas (d) durante la presentación de los nominados de los premios Gaudí donde se ha mostrado "esperanzado" con lo que pueda pasar este jueves cuando se anuncien las nominaciones a los premios Óscar, para los que es precandidata en cinco categorías, entre ellas mejor película extranjera, fotografía y sonido. EFE/Toni Albir

‘Sirat’ filmeko lantaldeak historia egin du: Oscar Sarietan soinu onenaren kategorian emakumez osaturiko talde bat izendatu dute, lehen aldiz

Laia Casanovas, Amanda Villavieja eta Yasmina Praderasek osatzen dute filmaren soinu taldea. Martxoaren 15ean banatuko dira Oscarrak, Los Angelesen.

Palestinaren aldeko oihua ozen entzungo da Durangon, martxoren 21ean

Anari, Belako, Merina Gris, J Martina, Eire, Hofe, Ibil Bedi, Olatz Salvador, Lukiek eta beste hainbat artistek Landakon joko dute, palestinar erresistentziaren aldeko elkartasun jaialdian.

Maskakek 'Ziklikoa' izeneko kontzertu berezia emango du Ezpeletan, martxoaren 6an

Lapurtar taldeak adierazi duenez, kontzertu bat baino ziklo baten hasiera izango da hitzordua. Gaztea ere bertan izango da.

‘Aldapan gora’tik ‘Radiomaria’ra: aurten 10 urte beteko dituzten abestiak

IZAROren “Koilarak”, Hesianen “Hemen Naiz”, Zea Maysen “Enbata” eta Skakeitanen “Lerro Hutsen Artean” kantek ere aurten beteko dute lehen hamarkada.

Publikoak aukeratuko ditu Donostiako Jazzaldian joko duten bertako 10 taldeak, doako 15 kontzertutan

2026ko Jazzaldian Euskal Herriko hamar talde ikusteko aukera izango dugu. Aurkeztutako proposamen guztien artean, aurrez hautatutako hamabost taldek Donostiako hainbat aretotan joko dute, eta publikoak erabakiko du jaialdira joango diren hamarren izena.

Publizitatea