Olaia Inziarte, Izaki Gardenak eta Nhilek Jimmy Jazzen joko dute martxoaren 13an, Martxoaren 3ko gertakarien 50. urteurrenean

Martxoak 3 elkarteak eta Jimmy Jazzek elkarlanean antolatu dute M3moria Zuzenean izeneko ekitaldia da. Kontzertuen ostean, Beat Artean kolektiboak biniloak pintxatuko ditu.
Olaia Inziarte

2026/01/28 - 08:56

Azken eguneratzea

2026/01/28 - 08:56

Gasteizeko martxoaren hiruko sarraskiak 50 urte beteko ditu aurten. Egun horretan gertatutakoa oroitzeko, Martxoak 3 elkarteak eta Jimmy Jazzek M3memoria Zuzenean izeneko jaialdia antolatu dute, martxoaren 13rako.

Jimmy Jazz aretoan, Olaia Inziarte, Izaki Gardenak eta Nhilek joko dute, eta kontzertuen ostean Beat Artean kolektiboa musika jartzeaz arduratuko da. 

Sarrerak urtarrilaren 19an (10:00etan) izango dira eskuragarri, hemen, 20 euroren truke.

“Oroimena eta musika eskutik helduta joan dira urte hauetan zehar; eta, nola ez, 50. urturren honetan ere lakua egin nahi izan diogu”, azaldu dute jaialdiko bi antolatzaileek sare sozialetan egindako argitalpenean.

Martxoaren 3a

1976ko martxoaren 3an, Espainiako Poliziak bost langile hil eta ehundik gora zauritu zituen Zaramaga auzoko San Frantzisko elizaren inguruan. Polizia heldu aurretik, milaka langile batzarra egiten ari ziren, hiru eguneko greba orokorrean.

Hilketatik 50 urte igaro diren honetan, Gasteizko Zaramaga auzoak langile borrokaren ikurra izaten jarraitzen du, eta biktimen elkarteek bertan gertatu zena aitortzeko borrokan jarraitzen dute.

Iragarkia
18:00 - 20:00

Zure interesekoa izan daiteke

Gehiago ikusi
Publizitatea
X