Gar taldea Gaztea Maketa Lehiaketaren final handian lehiatuko da, azaroaren 20an, Jimmy Jazzen. Taldeko Jon Garcia “GU”n izan da, finalerako prestatu duten kontzertua hizpide.
Ostegunekoa prestatzen harrapatu ditugu durangar musikariak. Albistea ezusteko itzela izan dela kontatu digu Jonek. Izan ere, gonbidatuak azaldu digunez, Maketa Lehiaketara aurkeztu diren taldeen maila ikusita zaila ikusten zuten finalerako sailkatzea.
Jon Garciaren bakarkako proiektua gisa jaio zen GAR, baina lagunekin inguratuta eramango du zuzenekoetara. Euren lehen diskoa kaleratuta, bertako abestiak joko dituzte Jimmy Jazzeko final handian. Emango duten bigarren zuzenekoa izango da ostegunekoa.
