Marmitako Trap Banda, zeatikez, GAR eta BARRRK dira 2025eko Gaztea Maketa Lehiaketako lau finalistak

Zeatikez donostiar boskoteak jasoko du Entzulearen Saria, Gaztearen webguneko bozketan boto gehien jasota. Lehiaketako epaimahaiak aukeratu ditu beste hiru finalistak, eta azaroren 20an lehiatuko dira lauak, Jimmy Jazzeko final handian.

Erredakzioa

2025/11/12 - 17:42

Azken eguneratzea

2025/11/12 - 17:42

BARRRK, GAR, Marmitako Trap Banda eta zeatikez dira aurtengo Gaztearen Maketa Lehiaketako lau finalistak. Laurak Gasteizko Jimmy Jazz aretoan egingo dugun final handian lehiatuko dira, azaroaren 20an (osteguna).

Ibon Fernandez Gazteako esatari eta musika kazetaria, SÜNE musikaria eta Lorea Argarate sortzaile eta dibulgatzaileak osatutako epaimahaiak BARRRK, INDIGO eta GAR taldeak aukeratu zituen finalerako. INDIGO taldeak finaleko egunean jotzerik izango ez duenez, epaimahaiak aukeratutako erreserbako taldea, Marmitako Trap Banda, pasatu da finalera.

Laugarren finalista, zeatikez, Gazteako ikus-entzuleek aukeratu duzue, bozketa bidez. 12 eguneko epean, boto gehien jaso dituen banda izan da zeatikez. Atzetik izan ditu Azax bikotea (bozketan bigarren gelditu dira), eta Somak taldea (hirugarrenak). Webguneko bozketa irabazita, 2500 euroko Entzulearen Saria eramango du boskoteak.

Final handia

Maketa Lehiaketako hitzordu garrantzitsuena azaroaren 20ean (osteguna) izango da, Gasteizko Jimmy Jazz aretoan. 20:30ean hasiko da finala, eta lau taldeek euren proiektuak taula gainean defendatzeko aukera izango dute.

Ainhoa Vitoriak aurkeztuko du finala, eta Ibon Fernandez, SÜNE eta Lorea Argaratek osatutako epaimahaiak izango du azken hitza. Jimmy Jazzeko ateak zabalik egongo dira, aforoa bete arte. Finala streaming bidez jarraitzeko aukera izango da, Gaztearen YouTube kanalean eta wegbunean.

Sariak

Jimmy Jazzeko zuzenekoetan ikuskizunik onena eskaintzen duen finalistak eramango du gaueko sari potoloa. Epaimahaikideek hautatutako final handiko irabazleak, 5.000 euro eta Bilbao BBK Liven jotzeko aukera eskuratuko ditu.

Webgunean bozketa bidez aukeratutako finalistak, zeatikez talde donostiarrak, Entzuleen Saria eramango du: 2.500 euro.

Azkenik, Harrobia Sariak talentu gazte bat sarituko du, Oso Polita diskoetxearekin lau kantako EP bat grabatzeko aukera emanez.

Ezagutu lau finalistak

GAR

Pop-rockaren bidetik, abesti intimoak egiten ditu Durangotik datorren GAR bandak. Jon Garcia, Liher Granados, Asier Ardanza eta Martzel Vargasek osatutako proiektua gogotsu dator Maketa Lehiaketara.

Marmitako Trap Banda

Urban eta rap estiloak jorratzen ditu kolektibo bizkaitarrak. Euren proiektua definitzeko eskatuta, honakoa kontatu digute: "Taldea hiru zutabeetan oinarritzen da: urban musikaren soinuak, zuzeneko taldeen magia eta taldearen beraren sustraiak (euskara, euskal kultura...)".

BARRRK

Malaga, Bilbo, Laudio eta Orozkoko kideek osatzen dute BARRRK banda. Haien musika definitzeko eskatuta, honakoa esan digute: “Pop? Rock? Pop-rock? Punk? Post-zerbait? Beno, ez dago guztiz argi... txakurrentzako musika esango dugu”.

zeatikez

Donostian jaiotako boskotea da zeatikez, gitarra elektrikoaren soinuarekin pop generoko doinuak nahasten dituena. Melodiaz eta hitz jokoz osaturiko abestiak euretako bakoitzaren barnean pilatuta zeudenak eta behin esan ez zenituztenak kanporatzeko beharrarean topatu genuen dute euren burua, ausardiaz eta kemenez, "zergatik ez?" galderari erantzunez.

Zure interesekoa izan daiteke

GAR taldeak irabazi du 2025eko Maketa Lehiaketa

Aurtengo lau finalistek Jimmy Jazz aretoa dantzan jarri dute. zeatikez donostiarrek eraman dute Entzuleen Saria, Gazteako ikus-entzuleek bozketa bidez hala erabakita. Gaueko hirugarren saria, Harrobia saria, BARRRK bandak eraman du.

Gaur ospatuko dugu Maketa Lehiaketako final handia, Gasteizko Jimmy Jazzen

Sarrera doakoa izango da, eta zuen zain gaude. GAR, zeatikez, BARRRK eta Marmitako Trap Bandak zuzenean joko dute, eta epaimahaiak erabakiko du zein den gaueko garailea. 20:00etan irekiko dira aretoko ateak.

Malkok irabazi du 2024ko Maketa Lehiaketa

Jotzen azkena izan da oñatiar boskotea, eta publikoa hankaz gora jarri du kontzertuko lehen abestitik. Mikosis taldeak eraman du Harrobia Saria, eta Aramuk, ostera, entzuleen GAZ saria.

Dena prest, 2024ko Maketa Lehiaketaren final handirako

Ateak irekita, minutu gutxi barru hasiko da final handia. Ainhoa Vitoriak aurkeztuko dizkigu zuzenean joko duten lau finalistak. Kontzertuak bukatuta, epaimahaiarena izango da azken hitza.

Aramu, Mirail, Mikosis eta Malko, 2024ko Maketa Lehiaketako lau finalistak

Gazteako ikus-entzuleek erabaki dute, bozka bidez, Aramu banda bizkaitarra finalera eramatea. Mirail, Mikosis eta Malko dira, ostera, epaimahairen hiru hautatuak.

Ezagutu Maketa Lehiaketako 20 aurre finalistak

Aurten aurkeztutako proiektu guztien artean, Gazteako epaimahaiak 20 aukeratu ditu aurre finalerako. Bozketa abenduaren 12ra arte egongo da zabalik.

Maketa Lehiaketan izena emateko azken egunak

Abenduaren 1era arte jasoko ditugu zuen abestiak. Gero, Maketa Lehiaketako epaimahaiak 20 aukeratuko ditu, aurre finalerako. Final handia abenduaren 19an izango da, Gasteizko Jimmy Jazz aretoan.

Maketa Lehiaketan parte hartzeko azken orduak: urriaren 15ean itxiko dugu izen ematea

Urriaren 15era arte (asteazkena) jasoko ditugu talde eta bakarlarien abestiak. Gero, zuek aukeratuko dituzue finalistak, Gazteak aurrez aukeratutako 20 artisten artean.

Publizitatea