Eñaut Elorrieta “Dida!”n izan da, “Otsaila” izeneko single berria aurkezteko. Jet lagak jota etorri zaigu estudiora, Hego Amerikatik iritsi berritan.
Udazkenean argitaratuko duen Festina Lente izeneko diskoaren lehen aurrerapen kanta da gaur ekarritakoa. “Astiro bizkortu” oximoronaren bueltan, bizi ditugun erritmoen eta denboraren pertzepzioaren inguruan hausnartu du artistak. The National taldeko Bryce Dessnerrek ekoitzi du Elorrietaren disko berria. Senperen grabatu du bilduma, David Chalminen argibide teknikoenik. Letragintzan ere izan ditu bidaideak; tartean, “Otsaila”ren letrarako, Nerea Ibarzabal bertsolariaren hitzez baliatu da.
Diskoa kaleratuta, urte bukaerarako edo 2027 hasierarako programatuko dituzte kontzertuak.
