Hoferen disko berria heltzear dagoen honetan, “Tan Petit” izeneko single berria aurkeztu digu, primizian, “Dida!”ko kolaboratzaileak. Maiatzaren 20an estreinatuko du kanta, eta kaleratu berritan, Bilboko Kafe Antzokian joko du zuzenean, ostegun eta ostiral honetan. Bigarrenerako sarrerak agortu diren arren, apirilaren 21erako tiketen bat geratzen dela kontatu digu Hofek.
Abesti berria estreinatzeaz gain, Gazteako Instagram kontuan publikatutako bideoan sortu den eztabaidaz aritu da musikaria. BatBatean jaialdian grabatutako “Tan Petit” kantaren argitalpenean, hainbat erabiltzailek autotunearen erabilera kritikatu eta abestiaren kalitatea zalantzan jarri dute. “Hatea (gorrotoa) gure egunerokoan dagoen zerbait da. Egia da ni ez nagoela ohituta hainbeste hate publiko jasotzera, baina gure lanaren parte da”, azaldu du musikariak.
Hala ere, “2026an autotunearen polemika harrigarria” iruditzen zaiola argitu du Hofek. Gainera, Gazteak igotako Metrikaren aktuazioaren bideoan erabiltzaileek utzitako iruzkinak izan ditu hizpide: “Kasu honetan ez dira bakarrik haterrak, misoginoak dira”.
