Gotzon Barandiaranek Galbahe izeneko talde berria aurkeztu digu, “Dida!”n. Galbahea poema liburuko kantak oholtza gainera eramateko sortu dute izen bereko taldea. Barandiaranek kontatu digunez, Katamalorekin egin zuten bezala, poemak oholtza gainean musikatuko dituzte, errezitaldi formatuan.
Rafa Ruedaren estudioan grabatu dute diskoa, su txikian, hiru hilabetez. Abenduaren 19an aurkeztuko dute jendaurrean Ez gara dena ahazteko nahikoa biziko izeneko estreinako diskoa. Hori Bai gaztetxean izango da hitzordua, Larrabetzuko gaztetxearen 60. Urteurreneko programazioaren baitan.
Bidea ez dute bakarrik egin; izan ere, Amets Aranguren, Gorka Urbizu, Maia Iribarne eta Gaizka Sarasola artisten kolaborazioekin ondu dute diskoa.
