EH Sukarra taldeko Mikel Gorosabel Norton “Dida!”n izan da, “Agurren balada” taldearen single berria primizian aurkezteko.
30 urtetik gora daramatzate musikaren munduan, eta betiko identitateari eusten dioten arren, euren musikaren bilakaeraren emaitza da gaurkoan ekarri digun kanta. “Agurren balada”n Aitor Gorosabel anaiaren laguntza izan du Mikelek. Izan ere, kantan entzuten den punteoetako bat Aitorrena da. Mimo handiz landu dute abesti berria, eta datozenetan ere bide berdinari ekingo diotela aurreratu digu musikariak.
Taldearen egunerokoaren berri izan nahiez gero, Instagram profil berria ireki dutela kontatu digu Nortonek: @ehsukarraofiziala.
