Bulegok 2027an eszenatokietara itzuliko dela iragarri eta ordu gutxira, “Dida!”n izan da taldeko Tom.
Bilbao Arena aukeratu dute urte bi barru eszenatokietara itzultzeko. Martxoaren 6an izango da kontzertu hori, eta sarrerak azaroaren 13tik (10:00) aurrera egongo dira salgai Bulego komunitateko kideentzako, eta azaroaren 14tik (10:00) aurrera, gainerakoentzat.
“Horrenbesteko aurrerapenarekin iragartzeko beldurra genuen”, aitortu du Tomek, baina Euskaldunako hiru kontzertuetan izandako babesa ikusita eman dute pausoa. Aurretik, 2026a sortzeko hartuko du gipuzkoar bandak. Kontzeptu bat bilatu eta horri tiraka lan egitea gustuko duela kontatu digu gonbidatuak. Hala, 2027ko martxora arte itxaron beharko dugu Bulegoren berriena entzuteko.
