Fermin Muguruzari eskainitako diskoa da La linea del frente. Frantziako Sabor Discos zigiluak Lucha Armada kolektibo alemaniarrarekin egin du bat proiektu honetan, Muguruzaren azken 40 urteetako klasikoen bertsio berrituak biltzeko.
Hainbat talde inplikatu dira proiektuan, tartean Amparanoia, Tremenda Juria, Esne Beltza, La Basu…eta Zea Mays. Aiora Renteria gonbidatu dugu "Dida!"ra, eta zuzenean estreinatu dugu “Hay algo que va mal”, Ferminen klasikoaren Zea Maysen bertsioa.
“Egin dugun abestirik arinena da, inoiz ez dugu kanta bat horren bizkor egin”, kontatu digu Aiorak. Kantari buelta “hardcorea” eman diotela esan digu, eta erregistro horretan arraro sentitu den arren, grabatzen oso ondo pasatu dutela dio Aiorak.
