Sara Azurzak Olaia Inziarterekin elkarlanean egindako “Begietan” kanta aurkeztu digu, primizian, “Dida!”n.
Gau giroan gertatzen diren begirada topaketez ari da abestia, Azurzak berak azaldu digunez. Soinuari dagokionez, donostiar musikariaren estilotik aldentzen diren elementuak daudela aurreratu digu: “Desberdina da, elektronika ukituak ditu eta beste leku batera eramaten zaitu”.
Kanta sortuta, Olaia Inziarte lagun eta kidearekin egin behar zuela argi ikusi zuen Azurzak. Baiezkoa jasota, hainbeste miresten duen musikariarekin lan egitea zoragarria izan da. “Begietan” Sara Azurzaren disko berriko aurrerapen singlea da. Bildumaren kaleratzeaz galdetuta, data eman digu, esklusiban: maiatzak 30.
