Eartheater eta Shygirl, abangoardiatik pop irisgarriagorako bidea egiten

Eartheater artistaren lana ekarri digu Kattalin Barcenak “B Aldea”ra. Pennsylvaniako abeslari, musikari eta ekoizlearen obraren errepasoa egin digu kolaboratzaileak. Elektronikaren bidetik, musika esperimentala egiten du artistak. Abangoardista da, bai soinua aldetik, baita irudi aldetik ere. Izan ere, iruditegi oso landua eta eklektikoa duela kontatu digu Kattalinek.

Bere obraren erabateko kontrola izateko Chemical X izeneko zigilu propioa sortu Eartheaterrek. Kolaboratzaileak kontatu digunez, gero eta ohikoa da artista esperimentalek euren zigilua sortzea, musika industriaren bitartekarien menpekotasuna ekiditeko asmoz.

Musikariaren eraginak hizpide, Shygirl eta Sega Bodega artistak ere aipatu ditu Kattalinek. Klub kulturaren mundu mailako erreferenteak dira biak, eta musika elektronikoaren eszena aldatzen ari direla kontatu digu. Aipatutako izenek, abangoardia izaten jarraitzen duten aurretik, musika esperimentala zirkuito mainstreamagoetara eraman dutela azaldu digu kolaboratzaileak.