Physis Versus Nomosen “kaos ordenatua”, ‘Burdin Gozoa eta Arrabioa’ izeneko seigarren diskoan

Physis Versus Nomos taldeko Beñat Antxustegi eta Eneko Sierra “B Aldea”n izan dira, Burdin Gozoa eta Arrabioa izeneko diskoa aurkezteko.

Taldearen bosgarren diskoa da eskuartean duguna, eta “kaos ordenatu” gisa definitu dute lana. Hauskortasunaren eta bandaren alde bortitzagoarekin arteko oreka bilatu nahi izan dute diskoan, taldearen sonoritateari eutsita. Sormena behartu gabeko disko bat dela kontatu digute musikariek. Bada, kantak presiorik gabe sortzen joan dira, eta nahikoa zituztenean elkartu eta diskoa grabatzea erabaki dute.

Nakarreko Jone Laspiur eta Ibil Bediko Amets Arangurenen kolaborazioak bildu dituzte diskoan, eta, datozen lanetan, artista gehiagorekin kolaboratzeko grina piztu zaiela kontatu digute.