Euskal eszena queer undergrounda, Tarantula, Mikosis eta Perlataren musikaren bitartez

Juan Tatorri ‘B Aldea’ko kolaboratzaileak Euskal Herrian queer eszenaren baitan lanean ari diren hainbat proiektu aurkeztu dizkigu.

Tarántula bilbotar taldea izan da kolaboratzailearen lehen proposamena. 13 urteko Niko abeslariak eta bere aitak osatu zuten taldea, eta hainbat musikari batu zitzaizkien gero. Pertsona queer arrazializatuen errealitateaz ari dira Demo izeneko EPan. Bandaren kontzertuetan hardcoreak berezko duen familia arteko giroa sortzen dela kontau digu Juan TaTorrik.

Bigarren proposamena: Perlata. Banda 2015ean sortu zen, Arrasaten. Musika sortzeaz gain, beste desziplina artistiko batzuez (dokumentalak, fanzineak, argazkilaritza…) baliatzen dira aktibismoa egiteko. 2022an Txerra Bolinaga RIP punk talde ezaguneko bateria jole ezaguna, eta “punk marika”ren erakusle handienetako bat, batu zitzaien taldera.

Azkenik, Mikosis gernikarrak. Iaz ezagutu genuen hirukoa, Gaztea Maketa Lehiaketara aurkeztu zirenean. Harrobia Saria irabazi zuten eta kontzertu ugari ematen ari dira ordutik. 20 urte inguruko power trioaren indarra azpimarratu digu kolaboratzaileak.