Full Cab: “Egiten dugunarekin eta lortu dugunarekin konbentzituago gaude”

Bilbotar bandako kideek ‘Full Cab’ izeneko bigarren diskoa aurkeztu digute “B Aldea”n.

Erredakzioa

2025/03/14 - 10:27

Azken eguneratzea

2025/03/14 - 12:49

Duela astebete kaleratu du Full Cab bilbotar bandak bere bigarren diskoa. Taldeko Mikel eta Liam “B Aldea”n izan dira, Full Cab izeneko diskoak eman diena hizpide.

Liamek kontatu digunez, bigarren lana homonimoa izatea ez da ausazko erabakia izan: “Hasiera berri bat da guretzat, aldaketa oso handia izan da, soinu ezberdina lortu dugu, politagoa”. Gainera, profesionalizatzea lortu dute: “Hobea den zerbait egin nahi genuen, ez dugu musikaz bizitzeko asmorik, baina benetako zerbait egin nahi genuen”.

Ikasketa prozesu luzea izan da bigarren lanaren sorrera, euren artean (pertsona eta artista gisa) hobeto ezagutzeko aukera eman diena. Elkar ezagutze horrek lan dinamikak finkatu eta egiten duten horretan konfiantza gehiago izaten lagundu diela kontatu digute musikariek.

Musikaz gain, TikToken ere aktiboak dira Full Cabeko kideak. Ingelesez kantatzen dute, eta Liamek taldearen letretan erabiltzen dituzten esamoldeak azaltzen ditu euren sare sozialetan.

Albiste gehiago, 'B Aldea'n

Burutik: “Badago musikari belaunaldi bat panfletotik poesiara pasa nahian gabiltzala; ez dugu politika utzi nahi, baina popa egin nahi dugu”

Taldeko Jokin Barriola ‘B Aldea’n izan da, “Magoak Badaki” izeneko single berria aurkezteko.

Sara Zozaya: “Kobazulo baten barruan sentitu izan naiz hainbat hilabetez, eta ateratzean konturatu naiz loreak ere hor daudela”

‘attä’ izeneko disko laburra ekarri digu donostiar artistak. EPan eta zuzenekoetan aurkituko duguna kontatu digu, eta “Ilu” kanta primizian estreinatu du ‘B Aldea’n.

Jurgi Ekiza: “Sorkuntza, nahasketa, masterizazioa… Ideiatik plataformara dena egin dut bakarrik”

Musikariak ‘Argitzala’ izeneko lana aurkeztu digu “B Aldea”n.

Amaia Mirandak ‘Amak Dio’ kanta aurkeztu digu, esklusiban

Bilbotar musikariak urriaren 24an kaleratuko du ‘Cada vez que te veo lo entiendo’ izeneko disko berria.

'Rapero Zuriaren Dilema': arraza, pribilegiotik egindako musika beltza eta apropiazioa

Teo Lucadamoren disko berria aitzakia hartuta, arrazaz eta zuriek egiten duten pribilegioen erabileraz aritu da Alai Ormazabal "B Aldea"n.

'Txakurren musika' eta muturreraino eramandako intuizioa, Barrrk taldearen lehen diskoan

Bizkaitar taldeak 'Walking About' estreinako diskoa ekarri digu "B Aldea"ra.

Zinez: “Emakumeak ari dira gaiak aldatzen, eta gizonek badute zer aldatu. 2025ean gaude, agian Amaiurko gaztelua bakean utzi beharko genuke”

Taldeko June Txibite eta Aimar Jimenezek 'Harramazka' diskoa aurkeztu digute, "B Aldea"n.

Labar: “Arauan ez dagoen gorputz guztiei pasatzen zaien bezala, gainkonpentsaziora jo dut musikan nire presentzia justifikatu ahal izateko”

Donostiar artistak ‘Bitxiloreak Txerriei’ izeneko bilduma berria ekarri digu “B Aldea”ra. Euskal eszenaren errealitateaz eta aktibismo politikoa eta musika uztartzeaz aritu gara.

Sua, “Sutea” kantaz: “Gure ahotsa munduan gertatzen den hori salatzeko erabili nahi dugu”

Bizkaitar bandako Ane Barrenetxea taldekidea “B Aldea”n izan da. "Sutea", Palestinako genozidioaren inguruko abestia, aurkeztu digu.

Euskoprincess: “Musika urbanoko emakumeek gure mezua entzutea nahi badugu argi hitz egin behar dugu, bestela neska guapa bat baino ez zara”

Publizitatea