Bilbao BBK Live jaialdiak 20 urte beteko ditu 2026ko udan. Uztailaren 9tik 11ra bitartean egingo dute aurtengoa, eta aurretik iragarritako kartelari beste hainbat izen batu zaizkie: Calvin Harris eskoziar dj eta ekoizlea, Dellafuente granadar artista, Westside Cowboy, La Paloma, Gaztea Maketa Lehiaketako finalistak izan ziren BARRRK euskaldunak eta hemlocke springs estatubatuar artista.
Calvin Harris musikariak pop elektroniko erakustaldia egingo du Kobetamendin. Eskoziar artistak Dua Lipa, Rihanna, Kasabian, Disciples, Sam Smith, Frank Ocean, Pharrel Williams, Katy Perry, Justin Timberlake, The Weeknd, Snoop Dog, Nicki Minaj eta Ellie Goulding bezalako artistekin kolaboratu izan du, eta gurean izango dugu uda honetan.
Aipatutakoez gain, klub giroko proposamenen artean beste bi izen berri iragarri dituzte: Vampirina Club by Metrika & D.Basto eta Hotcore Party: Taichu and Friends.
Orain arte iragarritakoen artean, Robbie Williams, Lily Allen, Charlotte de Witte, David Byrne, IDLES, Alabama Shakes, Interpol, Alabama Shakes, Belle and Sebastian, Depresión Sonora, La M.O.D.A., Marte Lasarte, Queralt Lahoz, Sara Zozaya, Soulwax eta Zaz daude.
Jaialdiko bonuak salgai daude dagoeneko, 160 euroan, Bilbao BBK Liven webgunean. Prezio hau martxoaren 17ra arte (11:00) mantenduko dute.
