Kobetamendin izango gara asteburuan, Bilbao BBK Liven gertatzen den guztia zuzenean kontatzeko

18:00etan hasi eta 22:00ak bitarte bertan izango gara, jaialdiko artista gonbidatuekin eta kolaboratzaile bereziekin.

2026/07/08 - 15:14

Azken eguneratzea

2026/07/08 - 15:14

Orduak falta dira Bilbao BBK Liven hogeigarren edizioak Kobeta gaina hartzeko. Ostegunetik larunbatera bitarte, Gazteako lantalde berezi bat bertan izango da zuzenean, jaialdian gertatzen den guztiaren berri emateko.

18:00etan hasi eta 22:00ak bitarte, Liher Larrañaga, Julen Idigoras, Maite Garmendia eta Ibon Fernandezek bi saio berezi egingo dituzte. Jaialdiko gonbidatuak, ohiko kolaboratzaileak eta lagun berriak gonbidatuko dituzte festibalerako prestatutako set-ean.

Bi saioak streaming bidez izango dira ikusgai, Gaztearen YouTubeko kanalean eta webgunean. Gainera, Gazteako sare sozialetan (X, Instagram eta TikTok) giroaren eta kontzertuen inguruko informazio osatua izango duzue, uneoro.

20 urte, 20 une gogoangarri

Hogeigarren urteurrena ospatzeko, Bilbao Live izeneko 2006ko lehen edizio horretatik gaur egunera arte, Kobetamendin bizi izan direnak bildu ditugu Gaztean. Guns 'N Roses eta Metallicaren kontzertu gogoangarriak, C Tangana eta Rosalíak elkarrekin abestu zutenekoa, Belakoren bilakaera eta bertan behera gelditu ziren kontzertuak aurkitu ditugu 20 urteko historikoan.

Zure interesekoa izan daiteke

Britainiar elektronikaren bi izar, Bilbao BBK Liven lehen eguneko kartelean

Calvin Harris, David Byrne eta FKA Twigs dira Kobetamendiko jaialdi ezaguna irekiko duten hiru kartel buruak. Gainera, GAR Gaztea Maketa Lehiaketaren irabazleen kontzertuaz gozatzeko aukera izango dugu, 17:30ean.

Bilbao BBK Liven galduko ez ditugun 10 kontzertu

Kobetamendin joko duten taldeen errepasoa eginda, ikusi nahi ditugun 10 zuzenekoen zerrenda osatu dugu Gaztean.

Bilbao BBK Livek EUSKARAZ! izeneko ekimen berezia egingo du, uztailaren 12an

Bengo, Eider Saez, Korrontzi, XSakara, Artean eta Afrika Bibangek Bilboko erdigunean joko dute, Kobetamendiko zita handiaren biharamunean.

20 urte, 20 une gogoangarri: Bilbao BBK Liven historian mugarri bihurtu diren kontzertuak

Bilboko musika jaialdi ezagunak hogei urte bete ditu aurten. Bilbao Live izeneko 2006ko lehen edizio horretatik gaur egunera arte, Kobetamendin bizi izan direnak bildu ditugu Gaztean.

2026ko Bilbao BBK Liven ordutegiak, egunez egun

Uztailaren 9tik 11ra, bertako zein nazioarteko musika proposamenak entzuteko aukera izango da Kobetamendin. Hona hiru egunetako kontzertuen ordutegiak.

Bilbao BBK Livek Mendian izeneko “familia jarduera” berria aurkeztu du

Festibaleko antolatzaileek Hirian eta Mendian ekitaldietako kartelak kaleratu dituzte. Lehena ekainaren 6an izango da, Bilboko Zorrotza auzoan. Bigarrena, ostera, ekainaren 7an, Kobetamendin.

Durangok BBK Live Herrian ekimena hartuko du maiatzaren 30ean, Mujeres, GAR, Pi L.T., Eider, Kiliki, Olatz Salvador eta Los Fresones Rebeldesen zuzenekoekin

Santa Salut, Heitxi, Wau y los Arrrghs!!!, Mala Gestión, Mississippi Queen & The Wet Dogs, Oslo Ovnies eta Amaiurtxu ere bertan izango dira. Kontzertu guztiak doakoak izango dira.

FKA twigs britainiar artistak itxi du Bilbao BBK Liveko kartela

Jaialdiko antolatzaileek egunez eguneko programazioa argitaratu dute. Kontsultatu hemen Kobetamendin gozagai izango diren kontzertuen zerrenda!

Calvin Harris eta Dellafuente, Bilbao BBK Livera

Gainera, Westside Cowboy, hemlocke springs, Vampirina Club by Metrika & D.Basto, Hotcore Party: Taichu and Friends, La Paloma eta BARRRK gehitu dituzte kartelera.

Publizitatea