Robbie Williams, David Byrne, Lily Allen, IDLES eta Interpol, Bilbao BBK Liven 2026ko edizioko lehen kartel buruak

Charlotte de Witte, Richie Hawtin, Alabama Shakes, Belén Aguilera, CMAT, La M.O.D.A., Raplhie Choo eta Soulwax ere bertan izango dira. Euskal taldeei dagokienez, Sara Zozaya, Aimarz, Marte Lasarte, GAR eta Suave batu dira kartelera.

Bilbao BBK Liven edizio berri batek Kobetamendi hartuko du 2026an, uztailaren 9tik 11ra. Festibalaren hogeigarren urteurreneko lehen iragarpenean, Robbie Williams, David Byrne, Lily Allen, IDLES eta Interpol kartel buruak aurkeztu dizkigu jaialdiak.

Garai bateko pop britainiarraren aldeko apustu garbian, Robbie Williamsek atzera begira nostalgikoa eskainiko du Bilbon, Long 90’s Tour biraren baitan. David Byrne Talking Heads taldeko arima “arrastoa uzteko promesarekin” dator Bilbora, eta IDLESek asteburuko zuzeneko indartsuenetako bat eskainiko du.

Lily Allenen urtea izan da 2025. Bere itzulera musikalak bikotekide ohiaren banatzearekin egin du bat, West End Girl izeneko disko borobilarekin. Artistaren berragerpenak eta honen inguruko istorioak sozialak harrotu ditu, eta Bilbao BBK Livek aukera aprobetxatzen jakin du.

Abonuak

Eskuragarri dago aurre salmenta esklusiboa aurreko edizioetan izan direnentzat, abenduaren 17ra arte. Zaleentzako (fans) salmenta berezia abenduaren 15eko (astelehena) 12:00etatik abenduaren 17ko (asteazkena) 10:00etara izango da eskuragarri. 

Salmenta orokorra abenduaren 17an (asteazkena) hasiko da, goizeko 10:00etan.

Bilbao BBK Liveko antolatzaileek hainbat bonu mota jarri dituzte salgai. Fan bonuak (149€+gastuak), salmenta orokorreko bonua (160€+gastuak), kuadrilla bonua (133€+gastuak, 5 bonu erosteagatik 6 jasoko dira) eta gaztea bonua (130€+gastuak 24 urtetik beherakoentzat).

Lau gaueko kanpineko bonua ere eskuragarri izango da, 38 euroren truke.