Gazteak Must +Pro jaialdiarekin egingo du bat, maiatzaren 14an, Bilboko Sala BBKn

Bilbon egingo dute Musikarien Topagune Profesionalaren bigarren edizioa. Gazteak saio berezia egingo du bertatik, Julen Idigoras eta Ainhoa Vitoriarekin.

Erredakzioa

2026/05/06 - 10:05

Azken eguneratzea

2026/05/06 - 10:05

Must +Pro ekimena, Musikarien Topagune Profesionala, Bilbora iritsiko da maiatzaren 13tik 14ra. Musika Bulegoak antolatuta, musikariei eta industriako beste hainbat profesionalei bideratutako solasaldiak, hitzaldiak, aurkezpenak eta zuzeneko emankizunak ikusi eta entzuteko aukera izango da. Topaketa profesionalak EHUren Bizkaia Aretoan egingo dira, eta programazioa Sala BBK eta Bilborock aretoetara zabalduko da.

Gaztearen saioa berezia, hainbat gonbidaturekin

Julen Idigoras eta Ainhoa Vitoriak ‘B Aldea Solasaldiak’ izeneko saio berezia egingo dute maiatzaren 14an, Sala BBK aretoan. Must +Proren programazioaren baitan, musikaren industriako hainbat langile elkarrizketatuko dituzte, proiektuen atzean dagoen horretan sakontzeko.

Binaka antolatu dituzte saio berezian zehar izango dituzten hizketaldiak: Janus Lesterreko Jokin Pinatxo musikaria eta Gin Musicako Ander Merino, Kiliki musikaria eta Last Tourreko Ane Garcia Last Tourreko eta ALAI eta Ke Lepo ekoizleak. Saioa 19:30ean hasiko da (ateak, 19:00etan) eta sarrera librea izango da, aretoa bete arte. Gainera, Janus Lesterrek zuzenean joko du.

Bertaratzerik ez dutenek, saioa streaming bidez jarraitzeko aukera izango dute, Gaztearen YouTubeko kanalean, webgunean eta GUAU plataforman.

Hitzaldiak, solasaldiak eta kontzertuak

Bertan bilduko diren profesionalek kontzertuen programazioaz, musikarien osasun mentalaz, industriaren atzean dagoenaz, estrategia digitalez eta euskal musikaren eszenaz arituko dira, besteak beste.

Gainera, topaketen aitzakian, gure artisten zuzenekoak izango dira Bilborocken. Heitxi, Julie, Supercremalleras, Caballos Yonkis, Bea Asurmendi, Haize Arrosa, Olivia Orell eta Maloa Brothers zuzenean eta doan ikusteko aukera izango da.

Gainera, profesional eta programatzaileei eskainitako emankizun bereziak (publiko orokorrak ez du sartzerik izango) ere izango dira: Xabi Aburruzaga, YKO Project, BARRRK, Mugarri, Eder Portolés, Xsakara, Del Val eta Aimarzen kontzertu laburrak.

Zure interesekoa izan daiteke

Gaztea Gasteizko BatBatean jaialdian izango da, bi saio berezirekin, maiatzaren 15ean eta 16an

Ostiral arratsaldean, Ibon Fernandez eta Alain Perezek “GU” saio berezia egingo dute Mendizabalatik. Larunbatean, Ainhoa Vitoria eta Liher Larrañagak hartuko diete lekukoa.

Gaztea ere EHUP! Jaian izango da gaur, 17:00etatik aurrera, “GU” saio bereziarekin

Apirilaren 24an, 17:00etatik aurrera, Ibon Fernandez eta Alain Perezek saio berezia egingo dute EHUko Gipuzkoako Campusetik.

Gazteak Korrikarekin egingo du bat, asteazken goizean, Donostian

Korrikaren ekuatorea zuzenean bizitzeko aukera izango duzue, Donostiako Bulebarretik egingo dugun “Dida!” saio bereziari esker.

HOFE izango da larunbat honetako Musika Irudiak Eraikiz ekimeneko protagonista

Donostiako Tabakaleran izango da, martxoaren 28an. Leire Arrojeria Gazteako esatariak nafar musikaria elkarrizketatuko du, bere disko berriaren aitzakian.

Verde Prato, larunbat honetan Tabakalaeran, ‘Musika Irudiak Eraikiz’ solasaldian

Ibon Fernandez Gazteako esatariak gidatuta, tolosar musikaria 2025ean kaleratutako ‘Bizitza Eztia’ diskoaz eta ordutik gertatu zaion guztiaz arituko da, Tabakaleran.

Gaztea gure artisten unibertsoan murgilduko da, hilean behin, Tabakalerarekin elkarlanean egingo diren saio berezietan

Lehen gonbidatua Niña Coyote eta Chico Tornado taldea izango da. Urtarrilaren 31n izango da, Tabakalerako Ikus-entzunezkoen Laborategian. Ainhoa Vitoriak gidatuta, ekitaldia doakoa izango da, aforoa bete arte, baina gonbidapena erreserbatu beharko da.

Yoko Ona, Eider Rodriguez eta Kattalin Minerrekin

'Yoko Ona'k zuzeneko saioa egingo du igande honetan, Iruñean, Naxker eta Labarrekin

Platoan grabatutako bi saiorekin eta Iruñeko Laba aretoan (abenduak 14) zuzenean egingo dutenarekin osatuko dute denboraldi berria.

Gazteak Durangoko Azokako saio berezia egingo du, Landakotik zuzenean, abenduaren 5ean

17:00etan hasi eta 20:00ak bitarte, Alain Perez, Maite Garmendia eta Liher Larrañagak azokako lehen egunaren berri emango digute, zuzenean.

Durangoko Azoka 2025: Ahotseneko kontzertuen ordutegia, egunez egun

Lukiek, Mirua, Sara Zozaya, Nhil, Naxker, Ødei, Silitia, Bele eta Esanezinek kontzertua eskainiko dute Plateruenan. Durangora gerturatzerik ez baduzu, Gaztearen webgunean Ahotseneko emanaldiak zuzenean ikusteko aukera izango duzu.

Publizitatea