Zuzeneko ‘Benetan Zabiz?’ berezia, ostiralean, Donostiako Tabakaleran

Podcast Geltokia jaialdiaren programazioaren baitan, Gaztearen podcasteko aurkezleek Iker Iribarren, Ana Goitia eta Ane Acedo gonbidatuak hartuko dituzte. 19:00etan izango da, Tabakalerako 1. aretoan.

Erredakzioa

2026/05/26 - 11:35

Azken eguneratzea

2026/05/26 - 11:35

‘Benetan Zabiz?’ podcasteko kideek zuzeneko saioa eskainiko dute maiatzaren 29an, ostiralarekin, Donostiako Tabakaleran. Podcast Geltokia jaialdiaren egitarauaren baitan, emanaldi berezia prestatu dute Malen Altuna eta Aitziber Gradosek.

19:00etan hasita, sare sozialetan gehiegi partekatzea izango dute hizpide Iker Iribarren eduki sortzailea, Ana Goitia umoregilea eta Ane Acedo dantzariarekin. Ekitaldia Tabakalerako 1. aretoan izango da, sarrerak webgunean daude eskuragarri, euro bateko kudeaketa gastuaren truke, eta aurretiaz erostea nahitaezkoa da.

Gainera, egun berean, GUAU plataforman aurkeztu berri den “Sona” bideopodcast musikalaren atal berri bat grabatuko dute, Nøgen talde donostiarrarekin. 20:00etan hasiko da bigarren saio honen grabaketa, eta honetarako ere gonbidapena eskuratzea beharrezkoa izango da.

Podcast Geltokia

Podcast Geltokia jaialdiak Donostian lurrartuko du datorren maiatzaren 28tik 30era. Hiru egunez, podcastaren nondik norakoen topaleku nagusi bilakatuko da Tabakalera. Egungo audioaren ildo interesgarrienetako batzuk ezagutzeko aukera eskainiko du ekimenak; formazioa, industria, entzunaldi kolektiboa eta zuzeneko podcastak uztartuz.

Ostegunean, eskola magistral bat eta tutoretza saioak eskainiko dira, Isabel Cadenas ez-fikziozko podcasten sortzaile ezagunaren parte-hartzearekin. Gainera, ekoizpen berriak aurkeztuko dira, eta audioaren bertako zein ibero-amerikar ekosistemako eragile nagusiak bilduko dituen inaugurazio topaketa bat egingo da.

Ostiralean, sorkuntzan eta industrian jarriko da azpimarra, eta hainbat topaketa profesional izango dira askotariko gaiak jorratzeko. Honakoak, besteak beste: doku-podcastaren gorakada narrazio eta tresna sozial gisa; soinu fikzioaren garapena; eta audioa beste hizkuntza eta formatu batzuetara zabaltzeko aukerak, animazioa eta eleberri grafikoa tartean.

Larunbatean, jaialdiak hausnarketa ildo berriak irekiko ditu etorkizuneko ikus-entzuleen inguruan, haur eta gazteei, eta kontsumo-ohitura berriei arreta berezia eskainiz. Egitarauari amaiera emateko, soinu fikzioan nazioartean itzal handia duen ahotsetako batek adimen artifizialak audioaren sorkuntzan duen eragina landuko du.

Zure interesekoa izan daiteke

Musika, musikariaz gain: ekoizle, manager eta prentsa arduradunak ezagutzen, B Aldeako Solasaldietan

Must +Pro ekimenaren baitan, Julen Idigoras eta Ainhoa Vitoriak zuzeneko solasaldi berezia egin dute, Bilboko Sala BBKtik. Kiliki, Ane Garcia, ALAI, Ke Lepo, Ander Merino eta Janus Lester gonbidatu dituzte.

Gaztea Gasteizko BatBatean jaialdian izango da, bi saio berezirekin, maiatzaren 15ean eta 16an

Ostiral arratsaldean, Ibon Fernandez eta Leire Arrojeriak “GU” saio berezia egin zuten Mendizabalatik. Larunbatean, Ainhoa Vitoria eta Liher Larrañagak hartuko diete lekukoa.

Gazteak Must +Pro jaialdiarekin egingo du bat gaur, 19:00etatik aurrera, Bilboko Sala BBKn

Bilbon egingo dute Musikarien Topagune Profesionalaren bigarren edizioa. Gazteak saio berezia egingo du bertatik, Julen Idigoras eta Ainhoa Vitoriarekin.

Gaztea ere EHUP! Jaian izango da gaur, 17:00etatik aurrera, “GU” saio bereziarekin

Apirilaren 24an, 17:00etatik aurrera, Ibon Fernandez eta Alain Perezek saio berezia egingo dute EHUko Gipuzkoako Campusetik.

Gazteak Korrikarekin egingo du bat, asteazken goizean, Donostian

Korrikaren ekuatorea zuzenean bizitzeko aukera izango duzue, Donostiako Bulebarretik egingo dugun “Dida!” saio bereziari esker.

HOFE izango da larunbat honetako Musika Irudiak Eraikiz ekimeneko protagonista

Donostiako Tabakaleran izango da, martxoaren 28an. Leire Arrojeria Gazteako esatariak nafar musikaria elkarrizketatuko du, bere disko berriaren aitzakian.

Verde Prato, larunbat honetan Tabakalaeran, ‘Musika Irudiak Eraikiz’ solasaldian

Ibon Fernandez Gazteako esatariak gidatuta, tolosar musikaria 2025ean kaleratutako ‘Bizitza Eztia’ diskoaz eta ordutik gertatu zaion guztiaz arituko da, Tabakaleran.

Gaztea gure artisten unibertsoan murgilduko da, hilean behin, Tabakalerarekin elkarlanean egingo diren saio berezietan

Lehen gonbidatua Niña Coyote eta Chico Tornado taldea izango da. Urtarrilaren 31n izango da, Tabakalerako Ikus-entzunezkoen Laborategian. Ainhoa Vitoriak gidatuta, ekitaldia doakoa izango da, aforoa bete arte, baina gonbidapena erreserbatu beharko da.

Yoko Ona, Eider Rodriguez eta Kattalin Minerrekin

'Yoko Ona'k zuzeneko saioa egingo du igande honetan, Iruñean, Naxker eta Labarrekin

Platoan grabatutako bi saiorekin eta Iruñeko Laba aretoan (abenduak 14) zuzenean egingo dutenarekin osatuko dute denboraldi berria.

Publizitatea