Gazteak zuzenean kontatuko dizu Gasteizeko BatBatean jaialdiaren lehen edizioan gertatzen den guztia. Ostiral arratsaldean hasi eta larunbat iluntzeraino, gure lantaldea Mendizabalara joango da, irrati zein sare sozial bidezko jarraipena egiteko.
Ostiralean (maiatzak 16), Ibon Fernandez eta Leire Arrojeriak “GU” saio berezia egin zuten, 17:00etan hasi eta 20:00ak bitarte. Hiru orduko tarte horretan, festibalean joko duten musikariak, kontzertuak ikustera joan den publikoa eta saioko kolaboratzaileak hartu zituzten, BatBateanerako propio prestatutako set berezian. Besteak beste, Etxepeko kideak elkarrizketatu dituzte, eta iragarri berri duten agurraz galdetu diete. Ganibet, Añube, Skabidean eta Brigade Loco euskal taldeak ere igaro dira “GU” saio berezitik.
Larunbatean, berriz, Ainhoa Vitoria eta Liher Larrañagak egingo dute kontaketa, “Bitan” saioaren edizio berezi batean. Ostiraleko ordutegi berdinean, jaialdiko lehen egunak utzitakoa eta bigarrenak ekarriko duena kontatuko digute. Gainera, Bellum, Xiberoots, Aimarz, Apotheke 90, Maruxak eta Malko taldeak elkarrizketatuko dituzte.
Irratsaio bereziez gain, Gaztearen sare sozialetan Mendizabalako kontzertuetako unerik onenen zuzeneko kontaketa egingo dizuegu.
?fmt=png-alpha&qlt=80)
?fmt=webp-alpha&qlt=80)
