Musikaria zara eta Zarauzko Aste Nagusian jo nahi duzu? ‘Gaztea gaua’ri esker lor dezakezu!

Gaztearen ekimen berezi honi esker, aukeratutako taldeak Zarauzko jaietan jotzeko aukera izango du, Olaia Inziarte eta zeatikez taldeekin batera. Eman izena eta irabazi 2.500 euroko saria!
Paragrafo-testua - 1

2026/06/29 - 09:44

Azken eguneratzea

2026/06/29 - 09:44

Zarautz edo inguruetakoa zara eta musika talde bat duzu? Bakarlaria zara eta oraindik ez duzu izan zure herrian jotzeko aukerarik? Orain da zure momentua! Gaztea Zarautz eta inguruetako musikari bila dabil, herriko Aste Nagusian Olaia Inziarte eta zeatikezekin kontzertua eskaintzeko. Abuztuaren 19an izango dira kontzertuak, malekoian. Ekimen honen bitartez, Gazteak eta Zarautzeko Udalak inguruetako musika eszena sustatu eta talde hasi berriei agertoki profesional batean jotzeko aukera eman nahi diete.

 

Gaztea Gauan jotzeko aukeraz gain, ekimeneko irabazleak 2.500 euroko saria eramango du.

Nola eman izena?

Ekainaren 29an (10:00etan) irekiko da izena emateko epea, eta uztailaren 15ean (10:00etan) itxiko dugu. Musikariek dokumentu honetan sartu beharko dituzte euren datuak, zehaztutako atal guztiak betez.

Zein da saria?

Izena ematen duten taldeen artean, epaimahaiak bat aukeratuko du. Honek Zarauzko Aste Nagusian (abuztuak 19) jotzeko aukera eta 2.500 euro irabaziko ditu. Gainera, Gazteak bere gain hartuko ditu ekitaldiaren ekoizpen teknikoaren kostuak (soinua, argiak eta beharrezko azpiegitura teknikoa).

Nork eman dezake izena?

Zarautz eta inguruetako herrietan erroldatutako edo bertan jarduera artistikoa garatzen duten artista eta taldeek. Edozein musika estilo eta adinetako talde eta artistak onartuko dugu. Adin txikiko parte hartzaileek legezko tutoreen baimena aurkeztu beharko dute. Parte hartzen duten musikariek aurkezten duten materialaren erabilera eskubideak dituztela bermatu beharko dute.

Nork hautatuko du irabazlea?

Gazteak osatutako profesionalen epaimahai batek hartuko du erabakia. Irizpideari dagokionez, proiektuaren kalitate artistikoa, zuzeneko emanaldirako gaitasuna, jatorrizko proposamena izatea eta tokiko eszenarekin lotura izatea baloratuko dira.

Irudi eta komunikazio eskubideak

Ekimenean parte hartzen duten taldeek baimena emango diote Gazteari eta Zarauzko Udalari ekitaldiaren sustapenerako taldearen izena, irudiak eta material grafikoa erabiltzeko. Halaber, kontzertuan egindako argazkiak eta bideoak antolatzaileen komunikazio kanaletan zabaldu ahal izango dira.

Zure interesekoa izan daiteke

Gehiago ikusi
Publizitatea
X