Gasteizek BatBatean jaialdiaren lehen edizioa hartuko du maiatzaren 15 eta 16an. Aurretik iragarritako Brigade Loco, Hofe, Metrika, Lukiek, La Txama eta beste hainbat artistei izen berriak batu zaizkie: Aimarz, Gozategi, Malko, Maruxak, Tatta, Kaos Etiliko eta Ganibet.
Jimmy Jazz Ekoizpenakek antolatuko festibala Mendizabalan (Azkena Rock Festival egiten den esparru berean) izango da, eta euskal taldeen aldeko apustu argia egingo du kartelean. Bost oholtzan banatutako dute jaialdiko eskaintza, eta 45 banda eta 19 DJen zuzenekoaz gozatzeko aukeraz gain, bertan jateko eta atsedena hartzeko gune bereziak prestatuko dituzte.
Honako izenekin itxi dute kartela: Juanto Skalari & La Rude Band, Los Zopilotes Txirriaos, Dinamita, Etxepe, Edu Zardoya, LaBlackie, Nevadah, Sustrai Berriak, Ajou!, Ateri, Lehen Leroa, No Limits, Aida Blanco, Azken Erromantikoak, Lobas, Nelson, Pineapple Sweets eta Malandro.
Sarrerak abenduaren 16an jarri zituzten eskuragarri, jaialdiaren webgunean. Antolatzaileek prentsaurrekoan azaldu dutenez, bonuen prezioaren azken aldaketa otsailaren 20ean (10:00) egingo dute. Gainera, martxoa hasieran emango dituzte jakitera egunkako ordutegiak eta eguneko sarreren prezioa. Tiket fisikoa eskuratu nahi dutenek ere aukera dute gaurtik aurrera: Gasteizeko Hor Dago! tabernan.
