Donostiak Miramar Gauak musika jaialdiaren hirugarren edizioa hartuko du aurten, maiatzaren 28tik 30era. Festibaleko antolatzaileek plazaratutako kartelean, Zahara (rave formatuan), Neomak, Veintiuno, Idoia eta Lamia Mari daude. Hauez gain, Carlos Ares, Silvana Estrada, Isora (Katapulta), Duncan Dhu, Supercremalleras, DJ’s Disco Bambinos, Bebe, Kiko Veneno, Luis Fercán eta Smile taldeak Miramar Jauregiko lorategietan ikusteko aukera izango da.
Bi oholtza egongo dira: Kontxako agertokia eta Jauregia agertokia. Lehena Kontxako badiaren gaineko aldean izango da, eta bigarrena, ostera, Miramar Jauregiaren atzeko aldean.
Get Inek eta Caixabank Music Xperiencek bultzatutako hitzorduak "irmo jarraitzen du musika, ondarea, gastronomia eta jasangarritasuna bateratzeko xedean, hiriko leku deigarrienetako batean".
Sarrerak
Tiketak jaialdiaren webgunean izango dira eskuragarri, otsailaren 17tik (12:00) aurrera. Antolatzaileek argitu dutenez, hiru egunetarako bonua zein egun bakoitzerako sarrera erosteko aukera izango da.
Aurreko bi edizioetan, Gorka Urbizu, Maria José Llergo, Ivan Ferreiro, Gari, Valeria Castro eta Maren ikusi ditugu jaialdiko oholtza gainean.
?ts=1770887859230&dpr=off&fmt=webp-alpha&qlt=80)
