Marte Lasarte eta Sila Lua ‘Kabian’en elkartu dira, “Errepide” abestia elkarrekin sortzeko

Gaztearen formatuaren bigarren denboraldiko atal berria estreinatu dugu. Oraingo honetan, Marte Lasarte taldea eta Sila Lua galiziar artista elkartu dira Orozkoko Artiñano baserrian.

2026/02/04 - 13:43

Azken eguneratzea

2026/02/04 - 13:43

Orozkoko Artiñano baserriak Marte Lasarte taldea eta Sila Lua artista hartu ditu, Kabian ekimenaren atal berrian. Saioa ikusgai dago dagoeneko, gure YouTubeko kanalean eta Primeran plataforman.

"Errepide" sortzen

Orozkora iritsi direnean ezagutu dute elkar, eta erronka eder bat dute aurretik: bi egunean abesti bat sortzea. Sila Lua galiziar artistak popa, erritmo urbanoak eta elektronika esperimentala uztartzen ditu, 2019tik. Ordutik, hiru disko eta bi EP kaleratu ditu musikariak.

Pello Armendariz, Borja Anton, Lore Nekane Billelabeitia Marte Lasarteko kideek eta Sila Luak euren sorkuntza prozesuei buruz aritu dira elkarrekin igaro duten asteburuan. Melodiaz, erritmoez eta letren gaiei buruz aritu ostean, inprobisatzeko ordua iritsi zaie.

Gainera, Marte Lasarteren “Grabitaterik gabe” eta Sila Luaren “Qué me pasa” abestien bertsio bereziak eskaini dizkigute Artiñano baserriko egonaldian. Elkar ezagututa, indar guztiak batu eta “Errepide” kantaren lehen zirriborroa marraztu dute elkarrekin. Konponketak egin ostean, elkarlana zuzenean jo digute, primizian. 

Ikusi osorik

Zure interesekoa izan daiteke

Gehiago ikusi
Publizitatea
X