Niña Coyote eta Chico Tornado: 12 urteko bidaia, basamortuan barrena

Niña Coyote eta Chico Tornado bikoak estreinatu du Musika irudiak eraikiz, Gazteak eta Tabakalerak sortu berri duten ekimena. ‘Atea’ diskoaren sorkuntza eta LParekin etorri diren ikus-entzunezko proiektuak izan dituzte hizpide, Ainhoa Vitoriak gidatutako saioan.

Berezi Fernandez

2026/01/31 - 13:30

Azken eguneratzea

2026/01/31 - 13:30

Niña Coyote eta Chico Tornado donostiar bikoarekin ireki dugu Musika irudiak eraikiz, Tabakalerarekin elkarlanean sortutako proiektu berria. 2deo aretoan, eguerdiko 12:00etan izan da hitzordua. Ainhoa Vitoria Gazteako esatariak gidatutako ordubeteko saio berezian, 2025 bukaeran kaleratutako Atea diskoaren atzean dagoen guztiaz aritu dira bi musikariak.

Niña Coyote eta Chico Tornado bandaren 12 urteko ibilbidea kontuan izanda, proiektuaren osasunaz galdetu die aurkezleak. Taldeari esker oso gauza politak bizi izan dituzten arren, lan eta dedikazio handia eskatzen duen proiektua dela erantzun diote. Hala ere, gaur gaurkoz, osasuntsu eta indartsu daudela azaldu du Koldo Soret taldekideak.

2025 bukaeran kaleratu zuten Atea izeneko estudioko bosgarren diskoa. Euskal Herrian izan duen harrerarekin pozik daude musikariak, baita hemendik kanpoko publikoak emandako babesarekin ere. “Valentzian eta Alacanten egon gara duela gutxi, sarrera guztiak salduta. Sekulakoa da euskaraz kantatuta, eta hainbeste urteren ondoren, Espainian salak betetzen jarraitzea”, azaldu dute.

Pesimismoa, hainbat ahotsetara

Azken diskoaren letretan agerikoa den ikuspuntu ezkorra ere izan dute hizpide. Bereziki pesimistak ez diren arren, munduan gertatzen ari denak esperantzarako bide gehienak itxi dituela uste dute bi artistek.

Horren adibide garbia da “Trash”, diskoa irekitzen duen abestia. Zaborraz ari dira, baita mundua bilakatu den zabortegi erraldoiaz ere. Musikariek kontatu dutenez, ingelesez sortu zen abestia, eta euskaratu beharrean, zaborra hitza beste hizkuntza batzuetan nola esaten zen jakin nahi izan zuten, abestian txertatzeko.

Bilaketa eginda, beste hizkuntza batzuetan abesten zuten musikari eta lagunei letraren zati bat grabatzeko eskatu zieten. Bertan aurki ditzakegu Rodrigo Cuevas, Maika Makovski eta BALA taldeko Anxela, beste hainbat ahotsen artean. Azalpena bukatuta, “Trash” abestiaren bideoklipa ikusteko aukera izan dugu 2deo aretoko pantalla handian.

Diskoaren gaitegiarekin jarraituta, Atea diskoko letretan arrazakeria eta Trump aipatzen dituzte, besteak beste. Soretek azaldu duenez, AEBetan soilik ez eta Euskal Herriko mugetan gertatzen ari diren migrazio politika arrazistak salatzeko beharra izan dute.

Atearen adiera bikoitzari erreparatuta, erlijioarekin zerikusia duenari buruz galdetu die Ainhoa Vitoriak. Bizi dugun “mistizismo brotea”z aritu da Usua de la Fuente taldekidea, jendeak bizitzari esanahi eta zentzu bat bilatzeko behar handia duela erantsita: “Guk rock and rollean sinisten dugu eta ez dugu halako mistizismorik behar”.

Lehenengo musikari, gero poeta

Abestiak egiteko orduan, azkenerako uzten dituzte letrak. Koldok idazten ditu, kanta egin eta ahotsaren melodia osatu ostean. Behin idatzita, Usuak forma ematen die: “Ni ez naiz idazlea, baina oso irakurle ona naiz”, esan du taldekideak.

Azken diskoan, Soreten letrez gain, Jon Maiarenak dira “Bidea Elurpean” kantaren hitzak. Gainera, Ioritz Apaolaza zendutako lagun eta lankidearen ahotsa ere entzun daiteke, omenaldi forman, “Tziroi” izeneko kantan. Lagunaren WhatsAppeko audio mezuei buelta eman eta kantan sartzea erabaki zuten, biniloa kontrako noranzkoan erreproduzitzen duenari mezua bere horretan entzuteko aukera emanez.

Munduko desertuetan barrena

Basamortua da Niña Coyote eta Chico Tornadoren iruditeriaren ezinbesteko elementuetako bat. Hala, euren musika Mexiko, Ameriketako Estatu Batuak, Chile eta munduko beste hainbat desertutan jotzeko aukera izan du bikoak. Basamortuak euren ibilbidean izandako garrantziaren erakusle gisa, Kaliforniako Joshua Tree parke naturalean grabatutako “Errautsak” kantaren bioklipa ikusi dugu.

Bidaiekin jarraituta, Don Condor eta Ñora Alacran alter egoen sorreraz aritu dira. Jaliscon izan zuten kunbia talde bat sortzeko ideia, eta itxialdian eman zioten forma, etxan. “Autoekoizpenaren alde ona hau da, nahi duzuna egin dezakezula”, gaineratu du Usuak. Euskal Herrian proiektu hau zuzenean entzuteko aukeraz galdetuta, banda bat beharko luketela erantzun dute, eta momentuz ekonomikoki zaila dela uste dute.

Zure interesekoa izan daiteke

Janus Lester, La M.O.D.A., SÜNE, ETS, Nil Moliner, Sara Goxua eta Sidonie, Iruñeko En Vivo jaialdian

Ekinaren 5etik 6ra izango da, eta León Benavente, Jumelage, Virginia Saintt, Lisasinson eta Mon Dvy ere bertan izango dira.

Taylor Swiftek bere ahotsa eta irudia marka gisa erregistratu ditu, adimen artifizialaren kontrako neurri bezala

Estatubatuar artista adimen artifizialaren (AA) erabilera okerraren biktima izan da azkenaldian. Swiftez gain, Billie Eilish, Katy Perry, Pearl Jam eta beste hainbat artistek salatu dute AA erabiltzen duten teknologia enpresek “artista bizidunen eskubideak” urratzen dituztela.

Etxepeko kideek 'Etxepeian' izeneko azken diskoa atera eta taldea utziko dutela iragarri dute

Gipuzkoar kolektiboak maiatzaren 8an aterako du bere azken lana.

Belakok disko berria kaleratuko du urrian, eta 30 kontzertuko birarekin aurkeztuko diote munduari

Hiru urteren ostean, bizkaitar bandak lan berria aterako du urriaren 2an. Euskal Herrian, Mexikon, Alemanian eta espainiar Estatuan aurkeztuko dute LPa.

Marte Lasarte, Merina Gris, BARRRK, Alice Phoebe Lou, Alai, zeatikez, Rüdiger, Mursego eta Gailu, Boga Boga festibalean, irailaren 10etik 13ra

Miramar Jauregian, Easo Plazan eta Dabadaban izango dira zuzenekoak. Gaztea ere bertan izango da, jaialdian gertatzen den guztia zuzenean kontatzeko.

Kontsultatu hemen BatBatean festibaleko ordutegiak

Maiatzaren 15ean eta 16an ospatuko da jaialdiaren lehen edizioa, Gasteizen. Arratsaldean hasi eta goizaldera arte luzatuko da bi egunetako programazioa.

INDIO (United States), 20/04/2026.- Columbian singer Karol G performs on the Coachella stage during day three of weekend two at the 2026 Coachella Valley Music and Arts Festival at the Empire Polo Club in Indio, California, USA, 19 April 2026. EFE/EPA/CHRIS TORRES

Madonna eta Carpenter, The Strokesen aldarria, Justin Bieberren itzulera, Karol Gren zuzeneko historikoa eta aurtengo Coachellak utzitako momentu gogoangarriak

Nazioarteko izarrek hartu dituzte AEBetako jaialdi ezagunenaren oholtzak, bi asteburuz. Carolina Durante, Rusowsky eta Gaztean entzuten ditugun beste hainbat artista ere bertan ikusi ditugu.

Azkena Rock Festivalek kartela itxi du, Carpenter Brut, Robert Finley eta Black Maracasen iragarpenarekin

Kartel osoaz gain, jaialdiko antolatzaileek egunez eguneko programazioa kaleratu dute. Ekainaren 18tik 20ra, Alice Cooper, Social Distortion, Counting Crows, Nhil, Alcalá Norte, Evaristo, eta The Hives zuzenean ikusteko aukera izango da, Mendizabalan.

DAM palestinarrak, Merina Gris, Bele, Silitia eta Imarhan dira aurtengo EHZko lehen izenak

Euskal Herria Zuzenean jaialdiak 30. edizioa ospatuko du ekainaren 26, 27 eta 28an, Arberatze-Zilhekoan. Bonuak salgai daude dagoeneko, 43 euroan.

Edertasunaren bazterrak arakatzen, Verde Pratoren 'Bizitza Eztia'n murgilduta

Ibon Fernandezen galderei erantzunez, Verde Pratok 'Bizitza Eztia' diskoa, lana indartzen duen unibertsoa eta bakarlari gisa bizi dituen gazi-gozoak izan ditu hizpide. Donostiako Tabakaleran izan da, Musika Irudiak Eraikiz ekimenaren baitan.

Publizitatea