2025a estudioan sartuta igaro dute hainbat artistak. Gurean, HOFE iruindar artistak disko berria aterako duela iragarri zigun Durangoko Azokan. Bestela, elkarrizketetan kontatu digutenari erreparatuta, IZARO eta ZETAKen lan berriak ere gure 2026ko kinieletan sartzen dira.
Durangoko Azokan egon ginen Iruñeko musikariarekin. 2025a oholtzetatik kanpo lanean aritu ostean, martxoa eta otsaila bitartean izango dugu eskuartean HOFEren bigarren diskoa. Sortze prozesuan jende berri asko ezagutu du musikariak, eta “oso gauza guapoak” datozela aurreratu digu. Diskoaren aurkezpen datak dagoeneko iragarrita daude, eta Bilboko Kafe Antzokiko eta Donostiako Dabadabako sarrerak agortuta, bigarren datak iragarri ditu bi areto horietarako.
Datorrenaren lagin gisa, “R.A.” izeneko single kaleratu du musikariak.
Ilunbeko Mitoaroen ostean izan ginen Pello Reparaz ZETAKeko buruarekin. San Mameseko Mitoaroez gain, urte berrian bidaia luze bat egiteko asmoa duela kontatu zigun nafar artistak. Asiara joatekoa dela aurreratu zigun, baita bidaia hori gauza berriak idazteko aprobetxatuko zuela ere. 2026an entzungo dugun ZETAKen disko berriko letrak izango ote dira?
Musika berria heldu aurretik, aurtengo Korrikaren arrakastaz gozatzen jarraituko du nafar bandak. Izan ere, kaleratu eta hilabetera 2025eko euskal kanta entzunenen zerrendara igaro da “Xiberutikan Mendebaldera”.
Abenduaren 31n, Gabonetako “Dida Don” saio berezian, zoriondu genuen IZARO. 32 urte bete zituen egunean datorren urterako dituen asmoez galdetu genion. Lanean “jo eta su” dabilela iragarri zuen, baita urte berria heltzeko irrikaz dagoela ere. Lan horren guztiaren uzta jasotzeko gogotsu gaude Gaztean.
2025 ederra izan da IZAROrentzat, cerodenero diskoaren birak emandako pozak tarteko. Urtea bukatzeko, gainera, berri ona jaso du mallabiar musikariak: Baiucarekin kaleratutako “Xorieri” abestia 2025ean kaleratutako euskarazko abestirik entzunena da.
Britainiar musikariak otsailaren 13an kaleratuko du Wuthering Heights izeneko lana. Brat aroa erabat atzera utzita, Charliren garairik erromantikoenean sartuko gara. Izan ere, diskoa Wutherin Heights eleberri ezagunaren zinemarako adaptaziorako enkargatu dioten soinu bandaren parte izango da. Emily Brontëren klasikoa zine aretoetan ikusiko dugu aurtengo neguan, eta Margot Robbie eta Jacob Elordi izango dira filmeko protagonistak.
Charli XCXek berak aitortu duenez, Emerald Fennell zuzendariak kanta bakarra eskatu zion, baina gidoiak erabat inspiratuta, disko oso bat sortzeko beharra sentitu zuen. Aurreko guztiarekin apurtu eta enkargu honi erantzutea erronka izan da Essexeko artistarentzat, eta datozen abestiak “dotoreak eta basatiak” direla aurreratu du hainbat elkarrizketetan.
Kataluniar artistak bere estudioko bigarren lana kaleratuko du aurten. Munduan zehar aurkeztuko du lana: martxoaren 20an hasiko da bira, Palau Sant Jordin (Bartzelona), eta Bilbora ere iritsiko da (maiatzak 16, Miribilla Arenan).
Disko berriari buruz ezer gutxi dakigun arren, “Da Me” eta Ozunarekin elkarlanean kaleratutako “Última Noche” kantak albumaren parte izango dira. Ekoizpenari dagokionez, Cromo X eta Jorge Milliano produktoreak izan ditu bidelagun, eta karibetar doinu garaikideak espero dituzte zaleek.
2025ean emandako azken kontzertuetan hainbat pista eman ondoren, zaleek froga definitibotzat hartu duten pista publikatu du Olivia Rodrigok: urte berriari eskainitako Instagrameko postean, golf auto batean idatzitako ‘The Album’ hitza aurkitu dugu. Jarraitzaileen ustez, orain arte zurrumurrua zen hori berretsi du artistak, eta 2026an Olivia Rodrigoren musika berria entzungo dugula uste dute gehienek. Gainera, urte hasierarekin batera, aldaketak somatu ditugu artistaren webgunean: gidabaimen bat ageri da, urtarrilaren 8ko datarekin (duela 5 urteko urtarrilaren 8an kaleratu zuen “drivers license”, bere hitik ezagunena).
Sour (2021) eta GUTS (2023) diskoen atzetik, aurten entzungo duguna Californiako musikariaren estudioko hirugarren diskoa izango da.
Instagramen argitaratutako argazki honek piztu zuen britainiar hirukoaren itzuleraren lehen itxaropen printza. Bederatzi urtez bakoitza bere proiektuan lanean aritu ostean, Romy, Oliver Sim eta Jamie XX estudioan elkartu ziren, 2025eko martxoan. NME musika hedabideri emandako elkarrizketan, horrela azaldu zuen Romyk: “Hainbat aldiz elkartu gara estudioan, presiorik gabe. Urte hauetan gauza berriak probatzen aritu gara, proiektu askotan, eta asko ikasi dugu. Hirurentzako izan da ona, eta horri esker gaur egun elkartu eta dakigun guztia partekatu dezakegu, hemendik aurrera egin nahi duguna argiago izateko”.
Aurtengo Coachella jaialdian joko du hirukoak, eta agian ordurako izango dugu eskuartean The XX taldearen itzulera berretsiko duen diskoa.
Hip-hoparen munduan ere goia joaz hasiko dute urtea. Zortzi urteren ostean, A$AP Rockyk Don’t be Dumb izeneko diskoa aterako du urtarrilaren 16an. Zaleek urteak daramatzate musikariaren disko honen zain, filtrazioak eta bestelako hainbat arazo tarteko, hainbat aldiz atzeratu baita kaleratzea.
Charli XCXek bezala, ikus-entzunezko pieza bati lotuta kaleratuko du lana. Kasu honetan, Tim Burton zuzendari entzutetsuarekin kolaboratu du rap musikariak, bien Instagram profiletan ikusi dugunez.
Aurrerapen gisa, "Punk Rocky" izeneko kanta kaleratu zuen atzo. Abestiaren bideoklipak bi miloitik gora ikustaldi izan ditu 24 orduko epean.
Ekainaren 5ean eta 6an, ETS, SÜNE, Nil Moliner, La M.O.D.A. eta Janus Lesterren zuzenekoez gozatzeko aukera izango da Nafarroako hiriburuko Zitadelan. Kontsultatu hemen noiz joko duen zure gustuko artistak.
Uztailaren 15ean ospatuko dute jaialdiaren seigarren edizioa, Gernikako Europako Herrien parkean.
Besteak beste, Mirua, Janus Lester, Merina Gris, SÜNE, La Pegatina, Sanguijuelas del Guadiana, Su Ta Gar eta Biznaga ikusteko aukera izango da, maiatzaren 29an eta 30ean.
Berrizko banda Jon Garcia durangarraren laguntzaz baliatu da “Sua gara” izeneko abestia ontzeko.
Eurovision nazioarteko musika txapelketa beharrean, espainiar telebista publikoak 'La Casa de la Música' izeneko saio berezia eskainiko du maiatzaren 16an.
Ekinaren 5etik 6ra izango da, eta León Benavente, Jumelage, Virginia Saintt, Lisasinson eta Mon Dvy ere bertan izango dira.
Estatubatuar artista adimen artifizialaren (AA) erabilera okerraren biktima izan da azkenaldian. Swiftez gain, Billie Eilish, Katy Perry, Pearl Jam eta beste hainbat artistek salatu dute AA erabiltzen duten teknologia enpresek “artista bizidunen eskubideak” urratzen dituztela.
Gipuzkoar kolektiboak maiatzaren 8an aterako du bere azken lana.
Hiru urteren ostean, bizkaitar bandak lan berria aterako du urriaren 2an. Euskal Herrian, Mexikon, Alemanian eta espainiar Estatuan aurkeztuko dute LPa.
