Urriaren 28tik 31ra, Bilbok BIME musikaren industriako profesionalen topaketa hartuko du. Profesionalei bideratutako mahai inguruak, solasaldiak eta tailerrak (BIME PRO) Euskalduna Bilbon izango dira. Kontzertuak (BIME LIVE), ostera, hirigunetik zehar banatutako eszenatokietan ikusiko ditugu.
Txopet eta Marte Lasarte euskaldunak eta Delaporte, Trashi, Sanguijuelas de Sangre, Queralt Lahoz eta SVSTO espainiar artistak ikusiko ditugu bertan, baita Arroba Nat mexikarra, Esteban Rojas kolonbiarra, Javiera Electra txiletarra eta Jesse Baez estatubatuarra ere. Juana Rozas, Lara91K, Mau y Ricky, Orishas eta Villano Antillano ere Bilbon izango dira.
Kontzertu guztiak doakoak izango dira, aforoa bete arte. BIMEko antolatzaileek argitu dutenez, akreditatutako profesionalek lehentasuna izango dute BIME LIVEko zuzenekoetan.
Musika eskaintza oparoa ikusita, honako hauek dira Gaztean galduko ez ditugun bost kontzertuak.
R&Ba eta klub erritmoak uztartuta, mundu oniriko batean murgilduko gaitu espainiar artistak. Bere bakarkako bide oparoaz gain, hainbat artistentzako kantak idatzi ditu Devak, Ca7riel eta Paco Amoroso kasu.
SZA, Jorja Smith eta Kali Uchis gustuko badituzu, ez galdu Devaren zuzenekoa, urriaren 30ean, Crystal aretoan (20:30).
Bilbao BBK Liven ikusi genuen azken aldiz, puertorricar artista. Bertan, LGTBIQ+ komunitatearen inguruan hitz egiteko aukera izan genuen, eta bideoa biral bilakatu zen ordu gutxian.
Bizarrap eta Tokisharekin kolaboratu du musikariak. Uribitarte Pasealekuko oholtzan arituko da Villano Antillano, urriaren 31n (ostirala), 18:45ean.
Ez dugu galduko 90eko hamarkadako kubatar banda ezagun hau gurean ikusteko aukera. Sei disko luze eta horrenbeste EPko ibilbide oparoarekin, bandak The Rolling Stone eta Billboard medio espezializatuen babesa jaso izan du 30 urte hauetan.
Rapa eta kubatar son ezagunaren arteko fusioa egiten dute, eta Sala BBK aretoa dantzan jarriko dute, kontzertua hasi bezain pronto. Urriaren 29an (asteazkena) izango da zuzenekoa, 21:05ean.
Melodia itsaskorrak, kolpe bakarrean transmititzen duten umore ona eta dantzatzeko aukera eskainiko digute bilbotarrek. 2024 bukaeran, aro aldaketa zetorrela iragarri ziguten ‘B Aldea’ n. Ordutik, YO NO SÉ NADA! NADA!!! eta YO NO SÉ NADA! NADA!!! PT. 2 disko laburrak kaleratu dituzte.
Taldeak Kafe Antzokian joko du, asteazkenean (urriak 29), 21:00etan. Gau berean, BIMEk argitaratu gabeko ‘talde sorpresa’k ere bertan izango da.
KEXP estatubatuar irrati ezaguna Bilbora etorriko da, lehen aldiz, BIMErekin elkarlanean Live on Kexp izeneko zuzenekoak grabatzera. Merina Gris donostiarrak, Los Punsetes, Depresión Sonora, Alcalá Norte eta Queralt Lahozek zuzeneko emanaldiak grabatuko dituzte, Bilboko Enkarnazio Elizan.
Saio honetarako sarbidea pribatua den arren, Gazteako sare sozialetako lantaldea bertan izango da, eta egunean zehar gertatutakoaren berri emango dizue.
Ekainaren 5ean eta 6an, ETS, SÜNE, Nil Moliner, La M.O.D.A. eta Janus Lesterren zuzenekoez gozatzeko aukera izango da Nafarroako hiriburuko Zitadelan. Kontsultatu hemen noiz joko duen zure gustuko artistak.
Uztailaren 15ean ospatuko dute jaialdiaren seigarren edizioa, Gernikako Europako Herrien parkean.
Besteak beste, Mirua, Janus Lester, Merina Gris, SÜNE, La Pegatina, Sanguijuelas del Guadiana, Su Ta Gar eta Biznaga ikusteko aukera izango da, maiatzaren 29an eta 30ean.
Berrizko banda Jon Garcia durangarraren laguntzaz baliatu da “Sua gara” izeneko abestia ontzeko.
Eurovision nazioarteko musika txapelketa beharrean, espainiar telebista publikoak 'La Casa de la Música' izeneko saio berezia eskainiko du maiatzaren 16an.
Ekinaren 5etik 6ra izango da, eta León Benavente, Jumelage, Virginia Saintt, Lisasinson eta Mon Dvy ere bertan izango dira.
Estatubatuar artista adimen artifizialaren (AA) erabilera okerraren biktima izan da azkenaldian. Swiftez gain, Billie Eilish, Katy Perry, Pearl Jam eta beste hainbat artistek salatu dute AA erabiltzen duten teknologia enpresek “artista bizidunen eskubideak” urratzen dituztela.
Gipuzkoar kolektiboak maiatzaren 8an aterako du bere azken lana.
Hiru urteren ostean, bizkaitar bandak lan berria aterako du urriaren 2an. Euskal Herrian, Mexikon, Alemanian eta espainiar Estatuan aurkeztuko dute LPa.
