Azaroaren 7an entzungo dugu Rosalíaren disko berria: Madrileko zuzenekoa, Times Squareko agerpen goiztiarra, kolaborazioak eta ‘tracklist'a

Sare sozialetan egindako zuzenekoan, Madrilgo erdialdetik zehar gidatu du Rosalíak bart, Callao plazara iritsi arte. Bertan, azaroaren 7an kaleratuko duen ‘LUX’ diskoaren azala agertu da, pantaila erraldoietan.

2025/10/21 - 12:33

Azken eguneratzea

2025/10/21 - 12:33

‘20:45, zuzenekoa TikToken’. Mezu horrekin iragarri zuen Rosalíak bere disko berriko marketing kanpainaren hurrengo urratsa. Ordua iritsita, Madriletik gidatzen ikusi dugu kataluniar artista (ahizparen eta bere lantaldeko beste hiru kideren konpainian), Callaora bidean.

Musika entzuten, erretzen, lankideekin hizketan eta leihoa jaitsita zaleak agurtzen ikusi dugu artista. Iristerakoan, korrika sartu da Callao plazako hotel batean, ehunka lagunen txalo eta oihuen artean. Minutu batzuk igarota, LUX diskoaren azala agertu da Callao zinemetako pantaila erraldoietan. Iragarpenarekin batera, musikariaren webgunea eguneratu eta diskoaren aurre salmenta ireki du Rosalíaren lantaldeak. Bertan, diskoaren azala, diskoa bera, sinatutako edizio berezia eta albumean aurkituko ditugun abestien berri izan dugu.

MADRID, 20/10/2025.- La artista Rosalía a su llegada a Callao en una aparición sorpresa para presentar su cuarto álbum, este lunes en Madrid. EFE/ Juanjo Martín

Lau zatitan banatutako hemezortzi abesti

Artistaren webgunean ikus daitekeenez, hemezortzi abestik osatuko dute LUX. 'MOV' izeneko lau bildumatan antolatu ditu kantak, eta horietako batzuei (esklusiba) izenondoa jarri die tituluaren ondoan.

Izen gehienak ezezagunak diren arren (“La Yugular”, “Mundo Nuevo”, “Jeanne”, “Sauvignon Blanc”, “Magnolias”…), “De Madrugá” izeneko kantak zaleen alarmak piztu ditu. Bada, El Mal Querer birako zuzenekoetan behin baino gehiagotan abestu duen arren, argitaratu gabeko kanta da “De Madrugá”. Zaleen hipotesiaren arabera, kontzertuetan abestutako kanta horren estudioko bertsioa izango da diskoan aurkituko duguna.

Kolaborazioak, ofizialak eta iragartzeko daudenak

Musikariaren webgunean, diskoaren deskribapenean aurkitu ditugu LUXen entzungo ditugun elkarlanetako batzuk: Björk, Carminho, Estrella Morente eta Silvia Pérez Cruz. Gainera, diskoa Londresko Orkesta Sinfonikoarekin eta bi kororekin (Escolanía de Montserrat eta L’Orfeó Català) grabatu dela aurreratu dute.

Ofizialez gain, kaleratzearen zalapartaren baitan, Rosalíaren fanek kolaborazio posibleen zerrenda ireki dute. Esaterako, Sean Paul artistak urtea bukatu aurretik Rosalíarekin egindako elkarlan bat kaleratuko dela esan du elkarrizketa batean.

Forbesek ere egin ditu bere apustuak, Caroline Polachek eta Frank Ocean artistak aipatuta. Guitarricadelafuente ere aipatu izan dute hainbat mediok, bi artistek azken hilabeteetan erakutsitako gertutasuna tarteko.

New Yorkeko agerpen goiztiarra

Callaoko pantaila erraldoietan LUXen azala agertu aurretik, New York hiriko Times Squareko pantailetan ikusi genuen Rosalíaren disko berriaren azala. TikTokeko zuzenekoan konturatu da Rosalía bera, eta haserre agertu da, bere lantaldearekin Madrilekoa lehenengo iragarpena izango zela argi utzi baitzuen.

Komunikazio arazoren bat egon dela azaldu diote Madrilen berarekin zeuden kideek, eta momentuaz gozatu eta mugikorra ez begiratzeko eskatu diote.

Zure interesekoa izan daiteke

La cantautora estadounidense Laura Pergolizzi, conocida como LP, posa en la Ciudad de México el 30 de mayo de 2022. LP llevará su gira por Sudamérica a finales de 2022. (Foto AP/Berenice Bautista)

LP, Annie and The Caldwells, Bea Asurmendi eta White Carters: Jazzaldian galduko ez ditugun kontzertuak

Aurtengo Jazzaldian galduko ez ditugun kontzertuen zerrenda egin dugu Gaztean.

Triángulo de Amor Bizarro, Shego, Marte Lasarte eta The Sadies, abenduan Donostian, Bolo-Bolo Weekend jaialdian

Musika festibalaren bigarren edizioa abenduaren 11n eta 12an egingo dute, Intxaurrondo Kultur Elkartean.

Olatz Salvadorrek aneurisma bat duela iragarri du

Garuneko hoditeria konpontzeko ebakuntza bat egingo diotela azaldu du donostiar musikariak.

Maruxak, Geminiss, Adur, Telmo Trenor, Space Surimi eta Amaia Yaniz, abuztuaren 2an, Donostiako Glad is the Day jaialdian

Gipuzkoar hiriburuko Cristina Enea parkean egiten den jaialdiak hamar urte beteko ditu aurten.

Maruxak taldeko kideek eraso homofobo bat salatu dute

Sanferminetan, “putos maricones” oihukatu ostean, bi gizonek kristalezko botilak jaurti zizkietela azaldu dute sare sozial bitartez.

Des-kontrol eta Arkada Social taldeek jotzeari utziko diotela iragarri dute

“Mailua pausatzeko garaia” iritsi aurretik, bi kontzertu emango dituzte, ASKE eta 40 Minutu Rock jaialdietan.

Macaco, Baiuca, Nhil, Sedientos de Cumbia, La Mossa, Les Freres Smith, Selma Uamusse eta Carla Delgado, aurtengo Atlantikaldian

Ohi bezala, Errenterian zehar banatutako guneetan banatuko dituzte ekitaldiak, irailaren 17tik 20ra.

125 kultur eragilek diru esleipen publikoetan "gardentasuna eta ekitatea" eskatzeko ekimena abiatu dute

Dokumentua sinatu duten artisten artean, Fermin Muguruza, Hofe, Anari, Denso, Eire, Ezpalak, Esanezin, Merina Gris, La Txama, SÜNE eta TOC musikariak daude.

Maruxak, Ganibet, Maskak, SÜNE, Naxker, Zinez, Izaki Gardenak, Leihotikan eta Skabidean, Gasteizeko jaietako txosnetan

Abuztuaren 4tik 9ra, 30 taldetik gora ikusteko aukera izango da Gasteizeko Txosnetan, Andrea Maria Zuriaren jaietan.

SÜNE, Etzakit, Lia Kali, Sanguijuelas del Guadiana eta Veintiuno, Donostiako Aste Nagusian

Nat Simons, Aurora Beltrán, Orquesta Mondragon eta Malmö 040k ere Saguesen joko dute, abuztuaren 8tik 15era.

Publizitatea