Gorka Urbizuk Bilboko Sala BBKren atarian joko du maiatzaren 17an, Euskaraldiaren baitan

‘Elkar mugituz egingo dugu’ lelopean, hainbat artista bilduko dira Euskaraldia bultzatzeko, BBKk eta Bilboko Udalak antolatutako ekimenetan.

2025/05/09 - 09:58

Azken eguneratzea

2025/05/09 - 12:19

Maiatzaren 17an Gorka Urbizuk Bilboko On Diego Lopez Harokoa (Kale Nagusia) kalean joko du, BBKk Euskaraldiaren baitan sortutako programaren barruan. Kontzertua Sala BBK aretoaren atarian izango da,  doakoa izango da eta 18:00etan hasiko da.

Urbizuren kontzertua BBKk eta Bilboko Udalak Euskaraldia babesteko sortutako programazioko lehen hitzordua izango da.

Maiatzak 21: mahai-ingurua eta Heitxiren kontzertua

Maiatzaren 21ean, Emakumeak musikaren industrian izeneko mahai ingurua egingo dute Amaia Ispizua (Get In Management), Olatz Salvador (artista), Eider Iturriaga (argazkilaria-roadmanager) eta Maitane Serranok (argiztapen teknikaria), Maddalen Arzallus bertsolariak gidatuta. 11:30ean hasi eta 13:00ean bukatuko da.

Egun berean, 20:00etan Heitxik doako kontzertua eskainiko du bertan.

Maiatzak 22: Gaztearen saio berezia eta hainbat kontzertu

Hurrengo egunean, maiatzak 22, Gazteak zuzeneko saioa egingo du Sala BBKtik, 11:30etik aurrera.

Arratsaldeko 19:00etatik aurrera, musikak hartuko du aretoa. Maskak, Eider, STR eta Dupla zuzenean ikusteko aukera izango da, gau erdira arte.

Zure interesekoa izan daiteke

Gehiago ikusi
Publizitatea
X