Alcalá Norte, MIN Sarietan protagonista, lau sarirekin

Madrilen banatu dituzte musika independentearen garaikurrak, Paula Vazquezek aurkeztutako galan. Euskarazko album onenaren kategorian, Gorka Urbizuk eraman du saria, Euskoprincess eta Benyarten eskutik.

Erredakzioa

2025/04/30 - 09:33

Azken eguneratzea

2025/05/02 - 12:11

Bart banatu dira musika independentearen MIN Sariak, Madrilen. Alcalá Nortek, gaueko talderik sarituenak, artista berri, abesti (“La Vida Cañón”), rock disko eta urteko disko onenaren garaikurrak eraman ditu. Urteko artistaren saria Biznaga madrildarrek eraman dute.

Sari banaketaz gain, zuzeneko musikaz gozatzeko aukera izan da espainiar hiriburuko Caixabank Príncipe Pío antzokian, Paula Vazquezek aurkeztutako emankizunean. Bertan izan den Ainhoa Vitoria lankideak kontatu digunez, zazpi artisten proposamenak entzun dira MIN Sarien galan. Marlena bikoak ireki du gala, eta Maruja Limón, Hinds, Alcalá Norte, Metrika, Carlos Ares eta Figa Flawas etorri dira gero.

Gorka Urbizuren garaikurra eta Euskoprincessen aldarria

Euskarazko disko onenaren kategorian, Gorka Urbizu, Janus Lester, Ezpalak, Olatz Salvador eta TOC zeuden izendatuta, eta lehenak eraman du garaikurra. Ben Yart eta Euskoprincess artisten eskutik jaso du saria, azken honek trans errealitateen aldeko mezua zabaldu ostean.

Erresuma Batuko Auzitegi Gorenak emakumearen definizio juridikoa ezaugarri “biologikoetara” mugatu ostean (emakume transexualak eta pertsona intersexualak alde batera utzita), J.K. Rowling idazleak ebazpenaren aldeko adierazpenak egin ditu sare sozialetan. Berriari erreferentzia eginez, Euskoprincessek hitz hauek esan ditu MIN Saria eman aurretik, Belen Estebanen esaldi ezagun batez baliatuta: “Nire aldetik, esan behar izatea aspergarria den arren: J.K. Rowling, bizirik jarraitzen dugu, izorra hadi!”.

Gorka Urbizuk eskertuta jaso du Hasiera Bat diskoari esker eramandako saria.

Sari gehiago

Musika ekoizpen onena: Sandra Laporte eta Sergio Salvi, “Los Lobos” abestiagatik

Pop diskorik onena: Carlos Aresen Peregrino

Bideoklip onena: Ferrán Palauren “Plora aquí”

Zuzeneko onena: Vetusta Morlaren Fin de gira de Figurantes Valientes

Grabaketa elektroniko onena: Claraguilarren “Figura”

Disko klasiko onena: Concerto 1700en Back to Follia!

Grabaketa urbanorik onena: Lia Kaliren "Qué te debo"

Katalanez egindako diskorik onena: María Jaumeren Nostalgia Airlines

Galegoz egindako diskorik onena: The Rapantsen La Máquina del Buen Rollo

Flamenko diskorik onena: Perrate y Za!ren Jolifanto

Jazz albumik onena: David Sanchoren Mind in progress

Nazioarteko artista onena: Fontaines D.C.

MIN Sarietako alfonbra gorria

Musika albiste gehiago

ZETAKek Donostiako kontzertuetako edukiera handitu du

Irailaren 5, 6 eta 7ko zuzenekoetarako sarrerak aspaldi agortu ziren. Banda nafarrak Ilunben emango dituen kontzertuen edukiera handitu eta pistako sarrera gehiago aterako ditu.

Zea Mays eta Gatiburen kontzertuak, Gasteiz eta Bilboko jaietan, Gaztearen eskutik

Abuztuaren 8an Zea Maysek joko du Gasteizko Foruen Plazan. 22an, Bilboko Aste Nagusiaren baitan, Gatibu ikusteko aukera izango da Europa Parkean, Gaztearen eskutik.

Anestesia, ZETAK, Delirium Tremens, KOP, Zea Mays, Deskontrol, Arkada Social, Naxker eta Ødei ere Hatortxu Rocken azken edizioan izango dira

Jaialdiak azken hitzordua du Lakuntzan, uztailaren 24tik 27ra. Barniz, Bizardunak, Potato, Svetlana, Juantxo Skalari & The Rude Band + Set Skalariak, Kaleko Urdangak, Xutik, Las Ninyas del corro, Odolkiak Ordainetan, Talco, Xiberoots, Zaunka, Nafarroa 1512 eta Reinicidentes ere batu dira kartelera.

Euskal rock erradikalari anti-omenaldia, urriaren 24an eta 25ean, Belako, La Txama, Kiliki, Silitia eta Anariren zuzenekoekin

Iruñeko Zentralen (urriak 24) eta Bilboko Euskalduna Urban Hallen (urriak 25), aipatutako taldeek Gailuk eta Joseba Irazoki eta lagunakek zuzenekoak eskainiko dituzte, euskal rock erradikalaren anti-omenaldian.

Donostiako Jazzaldian galduko ez ditugun bost kontzertu

Uztailaren 22tik 27ra, Jazzaldiaren 60. edizioa ospatuko da Donostian, 90 kontzerturekin. Horien artean, galduko ez ditugun bost bildu ditugu Gaztean.

Palestinaren aldeko musika jaialdia, igande honetan, Uliako Mintegien Parkean

ALAI, Krii Kolektiboa, Flaca, Gela, Ofensa, LaMia Mari This Ist eta Siwanaba artistek zuzenekoak eskainiko dituzte Donostia Palestina elkartearentzako dirua biltzeko.

HOFE, Sukena, Merina Gris, Olatz Salvador, Bengo, Euskoprincess eta Lukiek, Donostiako Aste Nagusi Piratan

Donostiako Piratek aurtengo jaietako kartela iragarri dute. Abuztuaren 9tik 16ra, hainbat euskal artisten zuzenekoek Donostiako kaia hartuko dute.

Mirua: “Ez zaigu folklorearen mistizismoa eta erromantizismoa interesatzen. Denok hunkitu gaitezke Irulegiko Eskuarekin, baina gure asmoa ez da herri milenario bat aldarrikatzea”

MIRUENEA estreinako disko luzea kaleratu eta hamar egunera, Mirua taldeko Mattin eta Malentxo Zeberio bertan aurkituko dugunaz aritu zaizkigu. Musikari askorekin lan egitearen onurak, diskoak izandako harrera, ondarea eta folklorearen instrumentalizazioa izan dituzte hizpide.

Ezpalakek ez du Resurrection Festen joko, KKR inbertsio funtsaren kontrako erabaki politiko gisa

Gipuzkoar bandak sare sozialetan azaldu duenez, oso zaila egiten zaie euren “ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea”.

KKR inbertsio funtsa, Israelen finantziazioa eta espainiar musika jaialdiak: gertatu dena ulertzeko hiru gako

Kohlberg Kravis Roberts (KKR) inbertsio enpresak mundu mailako hainbat aisialdi ekitaldi erosi ditu; tartean, Sónar, Viña Rock, Resurrection Fest, Arenal Sound, FIB eta Monegros Desert Festival.