Sónar 2025: Galdu ezin dituzun zuzenekoak, Gaztearen eskutik

Bartzelonako musika jaialdi entzutetsuenetarikoa ekainaren 12tik 14era ospatuko dute aurten. Nathy Peluso, Plastikman, Arca, Overmono eta Polo & Pan kartel buruekin, aurten ere, eguneko (Fira Montjuïcen) eta gaueko sesioak (Fira Gran Via, L’Hospitalet) egingo dituzte.

Erredakzioa

2025/04/23 - 14:54

Azken eguneratzea

2025/04/23 - 14:54

Sónar, musika elektroniko eta esperimentalaren nazioarteko jaialdia, ekainaren 12tik 14ra ospatuko dute aurten, Bartzelonan. Nathy Peluso, Plastikman, Arca, Overmono eta Polo & Pan bezalako izen handiez osatutako programarekin, eguneko (Sónar de Día. Fira Montjuïcen) eta gaueko (Sónar de Noche, L’Hospitaleteko Fira Gran Vian) bi bertsioetan banatuko dute kartela.

Aipatutako izenekin batera, Peggy Gou, Four Tet, Honey Dijon, Vintage Culture, Mochakk, Barry Can 't Swim, Helena Hauff eta Andres Camporen saioak iragarri ditu Sónarrek.

Gaztean gure hautaketa propioa egin nahi izan dugu jaialdiko izen batzuk nabarmentzeko asmoz. Zeintzuk dira bai ala bai ikusi beharreko proposamenak? Hemen dituzue gure ezinbestekoak:

-Peggy Gou (ekainak 13, Sónar de Nochen)

Mundu osoan ezaguna den DJ hego-korearra Bartzelonara etorriko da. Housea, technoa eta retro giroa nahasten ditu, festa erabat bermatuz.

-Eric Prydz (ekainak 14, Sónar de Nochen)

Elektronika melodikoa lantzen duen suediar ekoizle historikoa da. Ikus-entzunezko show deigarri batekin aurkeztuko da.

-Four Tet (ekainak 13, Sónar de Nochen)

IDM eta elektronika esperimentalaren maisu britainiarra. Set eklektiko eta sortzaileak eskaintzen ditu.

-Skrillex b2b Blawan (ekainak 14, Sónar de Nochen)

Ustekabeko elkarlana: Skrillexen bass bortitza eta Blawanen techno gordina. Asteburuko ikuskizun indartsuenetako bat izan daiteke.

-Armin van Buuren b2b Indira Paganotto (ekainak 14, Sónar de Nochen)

Betiko “trance”a eta techno psikodelikoa nahastuko dira. Dantzatzeko aukera paregabea.

-Nathy Peluso (ekainak 14, Sónar de Nochen)

Grasa izeneko proiektu berria aurkeztuko du. Erritmo latinoak eta indar handiko performancea uztartuko ditu Argentinako bakarlariak.

-BICEP (CHROMA AV/DJ set) (ekainak 13, Sónar de Nochen)

House generoa eta ikus-entzunezko zuzenekoak nahasten dituen bikote irlandarra. Soinu inguratzaile eta emozionalaz blaituko dute jaialdia.

-Plastikman (ekainak 13, Sónar de Nochen)

Richie Hawtinen alderdi minimalista erakusten duen proiektua. Une barnerakoiago baten bila bazabiltza, bere soinu hipnotiko eta kontzeptualek liluratzea lortuko dute.

-ARCA (ekainak 13, Sónar de Nochen)

Venezuelako artista erradikal eta abangoardistak gogor kolpatzen duen ikuskizun bizia eskainiko du.

-Honey Dijon (ekainak 13, Sónar de Dían)

House musika, queer kultura eta dotoreziaz beteriko ikuskizuna eskaini ohi du . Groove klase bikainaz gozatu nahi baduzu, ez egin zalantzarik.

-Barry Can't Swim (ekainak 13, Sónar de Nochen)

Elektronika, soula, jazza eta afrobeat estiloak nahasten ditu. Kalitate handiko proposamen interesgarria eskainiko du eskoziar artistak.

Musika albiste gehiago

Palestinaren aldeko musika jaialdia, igande honetan, Uliako Mintegien Parkean

ALAI, Krii Kolektiboa, Flaca, Gela, Ofensa, LaMia Mari This Ist eta Siwanaba artistek zuzenekoak eskainiko dituzte Donostia Palestina elkartearentzako dirua biltzeko.

HOFE, Sukena, Merina Gris, Olatz Salvador, Bengo, Euskoprincess eta Lukiek, Donostiako Aste Nagusi Piratan

Donostiako Piratek aurtengo jaietako kartela iragarri dute. Abuztuaren 9tik 16ra, hainbat euskal artisten zuzenekoek Donostiako kaia hartuko dute.

Mirua: “Ez zaigu folklorearen mistizismoa eta erromantizismoa interesatzen. Denok hunkitu gaitezke Irulegiko Eskuarekin, baina gure asmoa ez da herri milenario bat aldarrikatzea”

MIRUENEA estreinako disko luzea kaleratu eta hamar egunera, Mirua taldeko Mattin eta Malentxo Zeberio bertan aurkituko dugunaz aritu zaizkigu. Musikari askorekin lan egitearen onurak, diskoak izandako harrera, ondarea eta folklorearen instrumentalizazioa izan dituzte hizpide.

Ezpalakek ez du Resurrection Festen joko, KKR inbertsio funtsaren kontrako erabaki politiko gisa

Gipuzkoar bandak sare sozialetan azaldu duenez, oso zaila egiten zaie euren “ideiekin koherenteak eta konsekuenteak izatea eta jaialdi honetan edo inplikatutako beste batzuetan parte hartzea”.

KKR inbertsio funtsa, Israelen finantziazioa eta espainiar musika jaialdiak: gertatu dena ulertzeko hiru gako

Kohlberg Kravis Roberts (KKR) inbertsio enpresak mundu mailako hainbat aisialdi ekitaldi erosi ditu; tartean, Sónar, Viña Rock, Resurrection Fest, Arenal Sound, FIB eta Monegros Desert Festival.

Gorka Urbizu, Libe, Olatz Salvador, IZARO, Verde Prato, Eneritz Furyak, Bloñ eta Benito Lertxundi, Musika Bulegoa Sarietako irabazleen artean

Nerea Reparaz eta Julen Telleriak aurkeztu dute sari banaketa, Gasteizeko Jimmy Jazzen.

Aimarz, Naxker, Tatxers, Kiliki, Azuleja, Gotts Street Park eta Brooke Combe, Donostiako Boga Boga Festibalean

Irailaren 12tik 14ra egingo dute 2025eko edizioa. León Benavente, Christian Löffler, Deadletter, Jacques, Eneritz Furyak, Nusar3000 eta Kokoscha ere bertan izango dira. Sarrerak salgai daude dagoeneko.

Gorka Urbizuk Bilboko Sala BBKren atarian joko du maiatzaren 17an, Euskaraldiaren baitan

‘Elkar mugituz egingo dugu’ lelopean, hainbat artista bilduko dira Euskaraldia bultzatzeko, BBKk eta Bilboko Udalak antolatutako ekimenetan.

Bad Bunnyk Madril, Bartzelona eta Parisen joko du 2026an: sarreren prezioa eta nola eskuratu

Puertorricar artistak DeBÍ TiRAR MáS FOTOS diskoa aurkeztuko du Europan. Datorren urteko maiatzean Bartzelona eta Madrilen (data bikoitza) izango da, eta uztailean, Parisen.

Lady Gagak errekorra hautsi du Brasilen: 2,1 milioi ikuslerekin, kontzertu batean zale gehien bildu dituen emakumea da

Estatubatuar artistak Rio de Janeiroko Copacabana hondartzan eman du zuzenekoa. Bertan izan zen euskaldun batekin hitz egiteko aukera izan dugu Gaztean.