‘20 urte Zure Eskutik’: ETSren azken kontzertuko unerik onenak eta 2026ko Movistar Arena

2025/03/24 - 09:24

Azken eguneratzea

2025/04/16 - 14:30

ETSk ’20 urte Zure Eskutik’ kontzertu sortako azken bi zuzenekoak eman ditu asteburuan, Bizkaia Arenan. Azken bi asteburuetan 45.000 lagun bildu ostean, datorren urterako duten erronkaren berri eman zuen Iñigo Etxezarretak: Madrilgo Movistar Arenan joko dute, 2026ko apirilaren 25ean.

Larunbatean itxi zuen ETSk bandaren 20. urtemuga ospatzeko kontzertu sorta. Egun osoko programazioarekin, herrietako jaiak omendu zituen arabar taldeak. DJ Bull, Puro Relajo, Joselu Anayak, Andoni Ollokiegi eta Gozategi izan ziren giroa berotzeko arduradunak.

Lagunez inguratuta

Iluntzearekin iritsi zen gaueko hitzordu handiaren txanda. Bi ordu eta erdiko zuzenekoan, Bizkaia Arena (15.000 lagun) dantzan jartzea lortu zuten musikariek, hasiera-hasieratik. Taldearen hitekin hasi zuten errepertorioa, eta berehala igo ziren oholtzara ETSren azken dantza propiora gonbidatutako lagunak: Pello Reparaz, Iñaki Ortiz de Villalba, Dupla, Idoia Asurmendi, Uxue Amonarriz eta Josune Arakistain, Jon Maia eta Maddalen Arzallus bertsolariak, Green Valleyko Ander Valverde eta Joselu Anayakeko kideak.

ETSren kantez gain, 20 urte hauetan bidaide izan dituzten lagunen kantak ere abestu zituzten; tartean, Doctor Deseo, Berri Txarrak, Oskorri eta Gontzal Mendibilen bertsioak.

Bidaia emozionala

Euforiaz beteriko emanaldia izan zen arren, izan ziren hunkitzeko une intimoak, Idoia Asurmendik publiko artetik abestutako “Araban bagare”ren a cappella bertsioa kasu. Jarraian, Iñigo Etxezarreta osasun mentalaren garrantziaz aritu zen, eta zendutako Oier lagunari eta anaiari eskaini zizkien “Zaindu nazazu” eta “Aurkitu genituen” abestiak.

“Zurekin batera” izan zen ETSk kontzertua bukatzeko aukeratutako abestia. Leporaino betetako Bizkaia Arenak goitik behera abestu zuen kanta, Etxezarretaren ahotsaren gainetik.

2026ko apirilaren 25a, Movistar Arenan

Iñigo Etxezarretan ostiraleko kontzertuan iragarri zuenez, ETSk ‘Bihotzen Konkista’ izeneko kontzertu erraldoia egingo du Madrilen. ’20 urte Zure Eskutik’ kontzertu hirukoitzaren arrakastaren olatua aprobetxatuta, datorren urterako erronka berria iragarri du arabar taldeak. Kontzertua 2026ko apirilaren 25ean izango da, Madrilgo Movistar Arenan.

Kontzertuaren tiketen aurre salmenta martxoaren 24an hasiko da, astelehenean, eta salmenta orokorra martxoaren 26an, asteazkenean, 10:00etan.

Aurre salmentan izena emateko, hemen erregistratu behar da. Salmenta orokorra, berriz, martxoaren 26an hasiko da, asteazkenarekin, 10:00etan, lasttour.org webgunean.

Audientzia paregabea

Zuzenekora joan ez zirenek streaming bidez jarraitzeko aukera izan zuten iragan larunbatean. 21:40ean hasi zen emanaldia, ETB2, GUAU, PRIMERAN eta eitb-eus-en. Orotara, 336.000 ikus-entzuleko audientzia metatua izan zuen eta lider izan zen bere ordutegian %12,3ko audientziarekin Euskadin.

Halaber, PRIMERAN eta GUAU plataformentan eta eitb.eus-en 8.000 erabiltzailek ikusi zuten zuzenean.

Ikusi '20 urte Zure Eskutik'en larunbateko kontzertua, osorik

Zure interesekoa izan daiteke

EZEZEZ, Anari, Xiberoots, Aimarz, Bele, Neomak, Ezpalak, Mirua, Kiliki eta Skabidean, Donostiako Aste Nagusi piratan

Abuztuaren 8tik 15era, Donostiako Piratek musika programazio oparoa prestatu dute 2026ko Aste Nagusirako.

Alfonbra gorriak, gorputz argalagoak eta 'body positive'aren amaiera

Ariana Granderen inguruko azken berriek eztabaida piztu dute sare sozialetan. Floridar artistak geldialdi bat iragarri du, bere azken diskoa kaleratu eta ordu gutxira. Musikariaren agenteek artistak jasaten dituen etengabeko iruzkin eta epaiak salatu dituzte.

La cantautora estadounidense Laura Pergolizzi, conocida como LP, posa en la Ciudad de México el 30 de mayo de 2022. LP llevará su gira por Sudamérica a finales de 2022. (Foto AP/Berenice Bautista)

LP, Annie and The Caldwells, Bea Asurmendi eta White Carters: Jazzaldian galduko ez ditugun kontzertuak

Aurtengo Jazzaldian galduko ez ditugun kontzertuen zerrenda egin dugu Gaztean.

Triángulo de Amor Bizarro, Shego, Marte Lasarte eta Sal del Coche, abenduan Donostian, Bolo-Bolo Weekend jaialdian

Musika festibalaren bigarren edizioa abenduaren 11n eta 12an egingo dute, Intxaurrondo Kultur Elkartean.

Olatz Salvadorrek aneurisma bat duela iragarri du

Garuneko hoditeria konpontzeko ebakuntza bat egingo diotela azaldu du donostiar musikariak.

Maruxak, Geminiss, Adur, Telmo Trenor, Space Surimi eta Amaia Yaniz, abuztuaren 2an, Donostiako Glad is the Day jaialdian

Gipuzkoar hiriburuko Cristina Enea parkean egiten den jaialdiak hamar urte beteko ditu aurten.

Maruxak taldeko kideek eraso homofobo bat salatu dute

Sanferminetan, “putos maricones” oihukatu ostean, bi gizonek kristalezko botilak jaurti zizkietela azaldu dute sare sozial bitartez.

Des-kontrol eta Arkada Social taldeek jotzeari utziko diotela iragarri dute

“Mailua pausatzeko garaia” iritsi aurretik, bi kontzertu emango dituzte, ASKE eta 40 Minutu Rock jaialdietan.

Macaco, Baiuca, Nhil, Sedientos de Cumbia, La Mossa, Les Freres Smith, Selma Uamusse eta Carla Delgado, aurtengo Atlantikaldian

Ohi bezala, Errenterian zehar banatutako guneetan banatuko dituzte ekitaldiak, irailaren 17tik 20ra.

125 kultur eragilek diru esleipen publikoetan "gardentasuna eta ekitatea" eskatzeko ekimena abiatu dute

Dokumentua sinatu duten artisten artean, Fermin Muguruza, Hofe, Anari, Denso, Eire, Ezpalak, Esanezin, Merina Gris, La Txama, SÜNE eta TOC musikariak daude.

Publizitatea