Alexander Padillak eguneko albistea ekarri digu “GU”ra: Imanol Pradales lehendakariak Katy Perry ezagutu du, Suitzan. Berria jakin bezain pronto, lehendakariari deitu eta bertan gertatutakoaz hitz egiteko aukera izan dugu Gaztean.
Davoseko Foroaren aitzakian ezagutu dute elkar, Justin Trudeau musikariaren bikotekideak bertan emandako hitzaldi batean. Pradalesek azaldu digunez, denok ikusi dugun argazkia atera aurretik, Euskal Herrira etortzeko gonbidapena egin zion.
Argazkiak sare sozialetan izandako oihartzunaz galdetuta, ikusteko denbora gutxi izan duela kontatu digu lehendakariak. Saioan sartu dela aprobetxatuta, Alexander Padillak eskakizun berezia egin dio Pradalesi: Katy Perry gurera ekarri eta kontzertu handi bat lotzea.
