Alai: “Hiru urteren ostean, kontatzeko gauzak ditudala kontura naiz”

‘Krisalida’ izeneko diskoa kaleratu aurretik (azaroak 5), “HEZURRAK” izeneko singlea aurkeztu digu, primizian, “GU”n.

Erredakzioa

2025/10/22 - 16:25

Azken eguneratzea

2025/10/22 - 16:25

Alai musikariak “HEZURRAK” izeneko singlea ekarri digu “GU” saiora. Azaroaren 5ean kaleratuko duen Krisalida izeneko disko berriaren aurrerapen singlea da eskuartean ekarri duena.

Zortzi kanta izango ditu diskoak, eta inoiz baino “melodikoago eta poperoago” dator musikaria. “Diskoa egiteko baldintza bakarra ahotsa askoz gehiago erabiltzea zen”, azaldu digu artistak. Hala ere, erreferentzia elektronikoak eta gustatzen zaion musikaren aztarna aurkituko ditugu Krisalidan. Oraingo honetan, baina, letren bitartez kontatzeko gauzak dituela konturatu da.

Zuzenekoak ematea gorroto duela aitortu digu Alaik, oso urduri jartzen baita, panikoa sentitzeraino. Hiru urteren ostean, oholtzarekin adiskidetzen joan da, eta traben gainetik benetan egin nahiko lukeen horretara hurbiltzen ari den sentsazioa du.

Disko osoa Hilan izeneko ekoizle tolosarrarekin egin du, erdibana. Elkarrekin ekoitzi dute albuma, eta kantatzera animatu duen pertsonetako bat izan dela kontatu digu. Erreferentziez galdetuta, Oklou, Sega Bodega, Caroline Polachek eta Shygirl aipatu ditu, besteak beste.

Zure interesekoa izan daiteke

“Askatasun Oihua”, Mirari eta Amaiurtxuren arteko elkarlana kalean da

Mirari taldeko Urko eta Amaiurtxu bakarlaria "GU"n izan dira, euren arteko elkarlana aurkeztu eta Durangoko Azokarako dituzten planen inguruan aritzeko.

1980ko hamarkadan Ultzamako bailaran (Nafarroa) finkatutako Arco Iris komunitatea du hizpide Irati Gorostidi zinemagileak bere lehen filme luzean. "Aro berria" 2025eko Donostia Zinemaldiko New Directors sailean izango da estreinakoz.

‘Aro berria’: Trantsizioko Nafarroa, sexu askapena eta katarsi kolektiboak, Arcoiris komunitatean

Irati Gorostidiren lehen filma da ‘Aro berria’. Ultzamako bailarako Arcoiris komunitatea da pelikularen heldulekua.

Ilargi: “Doluari buruz gehiago hitz egiteko aukera izan dut, eta nire burua gehiago ulertzeko balio izan dit”

‘Dolu(s) Min’ izeneko diskoa ekarri digu musikariak “GU” saiora.

Bele: “Kontzienteegia naiz askotan, buelta asko ematen dizkiot denari, eta inkontzienteari bidea ireki diot”

Donostiar musikariak ‘Muturrez Zerura’ izeneko bigarren diskoa aurkeztu digu.

Supercremalleras: “Popetik aldendu eta ukitu garajeroagoa eman nahi genion bigarren diskoari”

‘Avenida América’ izeneko diskoa ekarri digu gernikar bandak.

GAR: “Oso talde potenteak daude finalean, eta gu ere oso gogotsu gaude”

Maketa Lehiaketako finalera iritsi da GAR talde bizkaitarra. Jon Garcia bandako kideak ostegunean eskainiko dutenaren pista batzuk eman dizkigu.

BARRRK: “Ondo pasatzera aterako gara Jimmy Jazzeko finalera”

Maketa Lehiaketako finalerako sailkatu da bizkaitar laukotea. Ekitaldirako prestatu dutenaz galdetu diegu.

Marmitako Trap Banda: “Zuzeneko dibertigarria eskainiko dugu”

Maketa Lehiaketako finalistak datorren osteguneko finalerako abestien zerrenda prestatzen harrapatu ditugu.

zeatikez: “Sekulako sorpresa hartu dugu, kanpaina egin dugu, baina ez genuen espero. Oso eskertuta gaude”

Donostiar seikoteak irabazi du aurtengo Maketa Lehiaketaren Entzulearen Saria, publikoaren babes paregabea eskuratuta. Finalerako prestatu dutenaz aritu zaigu June del Campo taldekideak.

Neomak: “Orbainak ezkutatu beharrean erakutsi nahi ditugu, ederrak dira eta besteengandik bereizten gaituzte”

Taldeko kideak estudioan izan dira, euren bigarren lana aurkezten. Zuzenekoetarako prestatu dutenaz aritu dira.

Publizitatea