Aimarz musikariak “udaraurdinbat” izeneko kanta aurkeztu digu “GU”n, primizian.
Udako abesti bat da eskuartean ekarri duguna; eguraldi onarekin eta herrietako jaietan gozatzeko kanta. Maria Escarmientoren Sensación de Calor diskoak asko inspiratu duela kontatu digu Zumarragako artistak.
Iraila hasieran aterako da musikariaren lehen diskoa, eta bertan aurkituko dugu “udaraurdinbat”, beste hainbat abesti berriren artean. Kolaborazioz jositako lanean, bere arrebarekin egindako abestia topatuko dugula aurreratu digu. Estilo aldetik ere nahiko eklektikoa izango da diskoa: uda giroko abestiez gain, hainbat balada aurkituko ditugu.
“udaraurdinabat”en bideoklipaz ere aritu gara gonbidatuarekin. Lagun batekin grabatu zuen, eta berak editatu du.
