Mr.luken artista donostiarra ezagutu dugu "GU" saioan. “Bihotzeko lautada” kanta berriarekin agertu da estudioan.
Denetarik probatzea gustatzen zaion arren, bere azken albuma aurreko lanak baino poperoagoa dela kontatu digu. Hala ere, ez da gustura sentitzen bere lanari etiketa zehatzak jartzen.
Haurtzaroko bitxikeria bat kontatu digu Mr.lukenek: Donostiako Orfeoian ikasi zuen abesten. Ordukoak erdi ahaztuta dituen arren, ahots teknikan trebatzen jarraitzeko asmoa kontatu digu. Profesionalizatzeko bidean, soinu zein irudi aldetik lan handia egiten ari dela azaldu digu donostiar artistak.
Zilibito Recordsen “Mamuak” kantan kolaboratu du MR.lukenek, eta oiartzuarrekin sekulako harremana duela kontatu digu.
