UDDA gasteiztar musikariak “ESAN” izeneko kanta berria primizian aurkeztu digu “GU” saioan. 2021eko Maketa Lehiaketan ezagutu genuen UDDA. Madrilen bizi da ordutik, eta musika ekoizpena ikasi ostean bere obra handitzen jarraitzen duela kontatu digu. Pop musikaren ildotik, berak entzuten duen musikaren antzeko kantak egiten saiatzen ari dela dio musikariak. "ESAN" abestia da UDDAren ibilbide berri honen lehen alea.
Haialiah ekoizlearekin kaleratuko du musika hemendik aurrera, eta bera ezagutzea oso aberasgarria izan dela kontatu digu musikariak: “Sekulako lana egin du eta abestiak asko aldatu dira, berari esker eta bere ikuspuntuari esker nire musika beste leku batera joan da”.
