Porrotxi deitu diogu “Dida don!” Gabonetako saio berezian, egun hauetarako dituen planen inguruan galdetzeko. Lagunekin eta familiarekin elkartu, maite dituenekin inguratu, elkarrekin gozatu eta mundu berri batekin amesteko egunak direla kontatu digu.
Gainera, Pirritx, Porrotx eta Marimototsek Maruxak iruindar taldearekin kaleratu berri duten “Bihotzak Ikasi” izeneko kanta berriaz aritu gara pailazoarekin. Gabonetan etengabe entzuteko moduko kantari bideoklip ederra egin diote.
Azkenik, Olentzero, Mari Domingi eta urte berriari eskatuko dizkion gauzez galdetu diote Ainhoa, Liher eta Aitziberrek. Sudur gorri asko dituenez, beste kolore guztietakoak eskatuko ditu, eta eskakizun horren zergatiaren azalpen ederra eman digu Porrotxek.
