Leire Martinez, ETS, Zea Mays, Mirua, Bebe, Walls eta M Clan, Bilboko Aste Nagusiko lehen kontzertuak

Gainera, Serafin Zubirik Bilbao Musikako bandarekin emango duen kontzertuaz gozatzeko aukera izango da. Zuzenekoak Europa Parkean eta Abandoibarran izango dira.

2026/06/09 - 12:11

Azken eguneratzea

2026/06/09 - 12:11

Bilboko Udala 2026ko Aste Nagusiko kontzertuen berri ematen hasi da. Oraingoz, ETS, Mirua, Leire Martinez, Serafin Zubiri eta Bilbao Musika, Walls eta MClanen zuzenekoak iragarri dituzte.

Zea Mays, abuztuaren 22an

Bizkaitar bandak Abandoibarra hartuko du, jaietako lehen larunbatean. Bilbao BBK Liven Aiora Renteriak berak aurreratu zigunez, azaroan kaleratuko duten diskoaren azken ukituak prestatzen ari da taldea. Bitartean, Zea Maysen errepertorio oparoko kantak entzuteko aukera izango dugu Bilboko Aste Nagusian.

Leire Martinez, abuztuaren 23an

Gipuzkoar musikariak jaietako igandean joko du, Abandoibarran. 'Aquella niña' nazioarteko biran buru-belarri sartuta dagoen honetan, etenaldi txikia egingo du Bilboko Aste Nagusian jotzeko.

Mirua, abuztuaren 24an

Tolosar hirukoak jaietako astelehenean joko du, Abandoibarran.

Plazetako Bira deitu diote udako kontzertu sortari, eta Bilbokoaz gain, Astigarraga, Algorta eta Gorlizeko oholtzetan joko dituzte MIRUENEA diskoko abestiak.

Serafin Zubiri eta Bilbao Musika, abuztuaren 25ean

Serafin Zubirik eta Bilbao Musikak Miguel Rios artistaren arrakasta handienak gogoratuko dituzte, asteartean. Bilboko Udalak Instagramen egindako iragarpenean aurreratu du "rock & rollaren seme-alabek gau handi bat" izango dutela.

ETS, abuztuaren 26an

Iñigo Etxezarretak berak grabatutako bideoarekin iragarri dute kontzertua, Bilbao Jaiak Instagram kontuaren bitartez. Abuztuaren 26an joko dute, Europa Parkean.

Apirilean Madrilgo Movistar Arenan eskainitako Bihotzen Konkista emankizunaren arrakastaren ostean, taldeak ETS ETXEAN izeneko ikuskizuna iragarri zuen, 2027ko martxoaren 19rako. Buesa Arenako kontzertu berezi honetarako sarrerak aurre salmental agortu ziren, eta beste bi data iragarri zituzten: martxoaren 20a (sold out) eta martxoaren 13a.

Egun berean, Urtz taldeak Abandoibarran joko du, Bilbao Musikaren konpainian.

Walls eta Bebe, abuztuaren 27an

Walls murtziar bakarlariak ostegunean joko du, Europa Parkean. Raparen munduko hastapenak atzean utzita, pop-rock doinuetan murgilduta dator artista. Urtarrilean kaleratu zuen El día que me olvides diskoko abestiak aurkeztuko ditu bizkaitar hiriburuan.

Abandoibarran, Bebe espainiar bakarlariaren musikaz gozatzeko aukera izango da.

Cobardes, abuztuaren 28an

Cobardes Nafarroako rock taldeak Abandoibarran joko du, ostiralean. 2016an sortutako bandak hamar urte hauetan zehar ondutako errepertorioa joko dute Bilboko jaietako publikoaren aurrean.

M Clan, abuztuaren 29an

M Clan murtziar rock banda ezaguna ere Aste Nagusian egongo da. Taldeak 30 urte bete ditu aurten, eta Bilbon emango duten kontzertua urteurren berezi honetarako prestatutako biraren parte izango da. Bigarren larunbatean joko dute, Abandoibarran.

Zure interesekoa izan daiteke

La cantautora estadounidense Laura Pergolizzi, conocida como LP, posa en la Ciudad de México el 30 de mayo de 2022. LP llevará su gira por Sudamérica a finales de 2022. (Foto AP/Berenice Bautista)

LP, Annie and The Caldwells, Bea Asurmendi eta White Carters: Jazzaldian galduko ez ditugun kontzertuak

Aurtengo Jazzaldian galduko ez ditugun kontzertuen zerrenda egin dugu Gaztean.

Triángulo de Amor Bizarro, Shego, Marte Lasarte eta The Sadies, abenduan Donostian, Bolo-Bolo Weekend jaialdian

Musika festibalaren bigarren edizioa abenduaren 11n eta 12an egingo dute, Intxaurrondo Kultur Elkartean.

Olatz Salvadorrek aneurisma bat duela iragarri du

Garuneko hoditeria konpontzeko ebakuntza bat egingo diotela azaldu du donostiar musikariak.

Maruxak, Geminiss, Adur, Telmo Trenor, Space Surimi eta Amaia Yaniz, abuztuaren 2an, Donostiako Glad is the Day jaialdian

Gipuzkoar hiriburuko Cristina Enea parkean egiten den jaialdiak hamar urte beteko ditu aurten.

Maruxak taldeko kideek eraso homofobo bat salatu dute

Sanferminetan, “putos maricones” oihukatu ostean, bi gizonek kristalezko botilak jaurti zizkietela azaldu dute sare sozial bitartez.

Des-kontrol eta Arkada Social taldeek jotzeari utziko diotela iragarri dute

“Mailua pausatzeko garaia” iritsi aurretik, bi kontzertu emango dituzte, ASKE eta 40 Minutu Rock jaialdietan.

Macaco, Baiuca, Nhil, Sedientos de Cumbia, La Mossa, Les Freres Smith, Selma Uamusse eta Carla Delgado, aurtengo Atlantikaldian

Ohi bezala, Errenterian zehar banatutako guneetan banatuko dituzte ekitaldiak, irailaren 17tik 20ra.

125 kultur eragilek diru esleipen publikoetan "gardentasuna eta ekitatea" eskatzeko ekimena abiatu dute

Dokumentua sinatu duten artisten artean, Fermin Muguruza, Hofe, Anari, Denso, Eire, Ezpalak, Esanezin, Merina Gris, La Txama, SÜNE eta TOC musikariak daude.

Maruxak, Ganibet, Maskak, SÜNE, Naxker, Zinez, Izaki Gardenak, Leihotikan eta Skabidean, Gasteizeko jaietako txosnetan

Abuztuaren 4tik 9ra, 30 taldetik gora ikusteko aukera izango da Gasteizeko Txosnetan, Andrea Maria Zuriaren jaietan.

SÜNE, Etzakit, Lia Kali, Sanguijuelas del Guadiana eta Veintiuno, Donostiako Aste Nagusian

Nat Simons, Aurora Beltrán, Orquesta Mondragon eta Malmö 040k ere Saguesen joko dute, abuztuaren 8tik 15era.

Publizitatea